دوستىقتى نىعايتقان ونەر
وزبەكستان استاناسىندا شانحاي ىنتىماقتاستىق ۇيىمىنىڭ قۇرىلعانىنا 21 جىل تولۋىنا وراي «شىۇ حالىقتارىنىڭ مۋزىكا كەشى» كونسەرتى ءوتتى، دەپ حابارلايدى Almaty-akshamy.kz قازاقپارات-قا سىلتەمە جاساپ.
شىۇ-عا مۇشە ەلدەردىڭ ۇلتتىق اۋەندەرى وزبەك ناقىشىندا ورىندالدى.
«مۋزىكا ءار حالىقتىڭ ءداستۇرلى مادەنيەتىنىڭ اجىراماس بولىگى. بۇل اۋەندەر تىڭدارماننىڭ جۇرەگىنە جىلى سەزىم ۇيالاتادى. شىۇ حالىقتارىنىڭ مۋزىكالىق ونەرى جانە مادەنيەتىمەن ەتەنە تانىسۋ – ەلدەر اراسىنداعى دوستىقتى نىعايتۋعا سەپتىگىن تيگىزەتىنى ءسوزسىز»، - دەپ اتاپ ءوتتى شىۇ-نىڭ حالىق ديپلوماتياسى ورتالىعىنىڭ باسپا ءسوز قىزمەتى.
وزبەكستاننىڭ مەملەكەتتىك فيلارمونياسى زالىندا «سوگديانا» ۇجىمى قازاقتىڭ ۇلى كومپوزيتورى قۇرمانعازىنىڭ «بالبىراۋىن» كۇيىن ورىندادى. سونداي-اق، حاديشا يمومنازوروۆا ءشامشى قالداياقوۆتىڭ اندەرىن شىرقادى.