تاشكەنتتە باستالعان قازاق كينوسى كۇندەرى اياسىندا قازاقستاندىق توعىز كينەماتوگرافشىنىڭ جۇمىسى وزبەك كورەرمەندەرىنىڭ نازارىنا ۇسىنىلادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
رەجيسسەر بولات مانسۇروۆتىڭ شاكەن ايمانوۆ اتىنداعى «قازاقفيلم» اق وندىرىستىك-تەحنيكالىق بازاسىندا قايتا وڭدەلگەن «سۇلتان بەيبارىس» تولىقمەتراجدى كوركەم تۋىندىسى جاڭالىق بولدى.
20-23 ماۋسىم ارالىعىندا الىشەر ناۋاي اتىنداعى ورتالىق كينو ۇيىندە وتەتىن ءىس-شارا اياسىندا كورەرمەندەرگە «مۇقاعالي» (رەجيسسەر بولات قالىمبەتوۆ)، «دوس-مۇقاسان» (ايدىن ساحامان)، «پاراليمپياداشى» (الديار بايراقىموۆ)، «نا ستارتە» (ەرنار نۇرعالييەۆ) مەن «لەتو 1941-گو» (بەكبولات شەكەروۆ) كوركەم فيلمدەرى ۇسىنىلادى.
بالالارعا «كەنجە قىز» (يۆان ارداشوۆ)، «بەسىك جىرى» (ديلشات راحماتۋللين) مەن قازاق انيماسياسىنىڭ نەگىزىن قالاعان، رەجيسسەر، سۋرەتشى امەن قايداردىڭ 100 جىلدىعىنا ارنالعان «امەن اعانىڭ عاجايىپ بايتەرەگى» (ءجانادىل بايداربەكوۆ) انيماسيالىق فيلمدەرى كورسەتىلەدى