الماتىدا داۋىل سالدارىنان «نۇركەنت» شاعىناۋدانىندا ورنالاسقان كوپقاباتتى ءۇيدىڭ قاسبەتىنىڭ سىرتقى قاپتاماسى ءتۇسىپ قالدى، دەپ حابارلايدى Almaty-akshamy.kz
«بۇگىن كەشكى ساعات 17:30 شاماسىندا قاتتى جەلدىڭ سالدارىنان الاتاۋ اۋدانى «نۇركەنت» شاعىناۋدانىنداعى №74 ءۇي قاسبەتىنىڭ ءبىر بولىگى قۇلادى. بۇل ءۇيدى «ارتەميدا لتد» ج ش س 2017 جىلى پايدالانۋعا بەرگەن. قازىرگى ۋاقىتتا الاتاۋ اۋدانى كوممۋنالدىق قىزمەتتەرىنىڭ كۇشىمەن اۋماقتى جيناۋ جۇمىسى ءجۇرىپ جاتىر. سونىمەن قاتار باسقارۋشى كومپانيا جانە قۇرىلىس سالۋشى («ارتەميدا لتد» ج ش س) تاراپىنان قالپىنا كەلتىرۋ جۇمىستارىن ىسكە اسىرۋ قاراستىرىلىپ جاتىر»،- دەپ حابارلادى الاتاۋ اۋدانى اكىمدىگىنەن.
اكىمدىكتىڭ ايتۋىنشا، پاتەرلەردىڭ، تۇرعىن ەمەس ءۇي-جايلاردىڭ يەلەرى كوندومينيۋم وبەكتىسىنىڭ ورتاق مۇلكىن (قاسبەتىن) كۇتىپ-ۇستاۋ جانە ونىڭ ءقاۋىپسىز پايدالانىلۋىن قامتاماسىز ەتۋ، سونىڭ ىشىندە كوندومينيۋم وبەكتىسىنىڭ ورتاق مۇلكىنە اعىمداعى جانە كۇردەلى جوندەۋدى ءوز قاراجاتى ەسەبىنەن قامتاماسىز ەتۋگە مىندەتتى.