«Tartyl Fest» رەسپۋبليكالىق ءتۋرنيرىنىڭ فيناليستەرى قازاقستان قۇراماسى اتىنان الەم چەمپيوناتىنا بارادى
بۇل تۋرالى «حابار» تەلەارناسىنداعى «ويان!» باعدارلاماسىنا قاتىسقان جوبا ۇيىمداستىرۋشىلارىنىڭ ءبىرى ايتىم جاقىپوۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازاقستان - وسى سپورت ءتۇرىن بەلسەندى دامىتىپ كەلە جاتقان الەمدەگى الدىڭعى قاتارلى ەل. ويتكەنى، قازاقستان «street workout» باعىتىنا مەملەكەتتىك دەڭگەيدە قولداۋ كورسەتەدى. ال بۇل - كوشە سپورتى. بۇگىنگى تاڭدا ءاربىر اۋلادا «workout» بويىنشا مامانداندىرىلعان الاڭدار بار. سونىمەن قاتار، ۇلكەن ماسشتابتاعى تartyl Fest فەستيۆالى الەمدە ءبىرىنشى رەت بىزدە ءوتىپ جاتىر. ەڭ باستىسى، تartyl Fest فيناليستەرى بىزبەن بىرگە قازاقستان كومانداسىنىڭ اتىنان الەم چەمپيوناتىنا بارادى»، - دەدى ايتىم جاقىپوۆ.
ايتا كەتەيىك، الداعى سەنبى كۇنى ەلوردادا «Tartyl Fest» ءتۋرنيرىنىڭ گراند-فينالى وتەدى. وعان 170-كە جۋىق ادام قاتىسادى دەپ جوسپارلانۋدا.
«بيىلعى 18 اقپاندا استانا قالاسىندا «Tartyl Fest» سپورتتىق جوباسىنىڭ گراند-فينالى وتەدى. وعان قاتىسۋ ءۇشىن ىرىكتەلگەن 180 ادامنىڭ 170ء-ى كەلە جاتىر. سوندىقتان گراند-فينال تارتىستى بولادى دەپ ويلايمىز»، - دەپ ءبولىستى «Dara» دارىندىلاردى قولداۋ قورىنىڭ ديرەكتورى ەركىن تاشيەۆ.
ونىڭ ايتۋىنشا، Tartyl Fest - تمد دەڭگەيىندە ءوتىپ جاتقان بىرەگەي سپورتتىق جوبا.
«Tartyl Fest – تمد جانە ونىڭ اۋماعىنان تىس دەڭگەيدە ءوتىپ جاتقان سپورتتىق جوبالاردىڭ ءبىرى. ونىڭ اۆتورى - نۇرلان قويانبايەۆ مىرزا. ول كىسى بۇعان دەيىن بەرگەن سۇحباتتارىندا وسىنداي جوبانى قولعا الاتىنىن ايتىپ جۇرگەن بولاتىن. سودان ءبىزدى قولدايتىندار تابىلىپ، قور اشىلىپ، وسى جوبانى جۇزەگە اسىرىپ جاتىرمىز. بۇل سپورتتىق سايىس كوپشىلىككە ۇنادى. ويتكەنى، بۇل - وتە قولجەتىمدى سپورت ءتۇرى. بۇعان ارنايى دايىندىقتىڭ كەرەگى جوق. تەك سپورتتىق كيىمىڭ بولسا بولعانى. ءقازىر كەز كەلگەن اۋلادا تۋرنيكتەر بار»، - دەپ توقتالدى ەركىن تاشيەۆ.