سوڭعى جىلدارى قوعامدىق تاماقتانۋ ورىندارىندا، تۇنگى كلۋبتار مەن بارلاردا كالياندى پايدالانعاندى ءجون سانايتىن جاستار كوبەيىپ كەلەدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«وكىنىشكە وراي، ولاردىڭ كوپشىلىگى كاليان شەگۋدىڭ زيانى جوق جانە قاراپايىم تەمەكىگە زيانسىز بالاما دەپ سانايدى. “قازاقستان رەسپۋبليكاسىنىڭ حالىق دەنساۋلىعى جانە دەنساۋلىق ساقتاۋ جۇيەسى تۋرالى” كودەكسىنىڭ 110-بابى 5-تارماعىنا سايكەس، قوعامدىق تاماقتاندىرۋ نىساندارىندا جانە دەمالۋعا ارنالعان ورىنداردا كاليان شەگۋگە تىيىم سالىنادى. “تەمەكى تۇتىنىنەن ازات قازاقستان ءۇشىن!” كواليسياسىمەن جانە ۇكىمەتتىك ەمەس ۇيىمدارمەن بىرلەسىپ، ءبىز پروفيلاكتيكالىق جانە رەيدتىك ءىس-شارالار جۇرگىزەمىز. جىل باسىنان بەرى قوعامدىق ورىنداردا تەمەكى شەككەنى ءۇشىن ق ر اقبتك-نىڭ 441-بابى بويىنشا 3851 ادام اكىمشىلىك جاۋاپكەرشىلىككە تارتىلدى، ونىڭ 127ء-سى - كاسىپكەرلىك سۋبەكتىلەرى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.
ق ر اقبتك-نىڭ 441-بابى بويىنشا بۇزۋشىلىقتار انىقتالعان جاعدايدا، كاليان شەگەتىندەرگە 15 اەك كولەمىندە ايىپپۇل سالىنادى.
«بۇزۋشىلىق قايتالانعان جاعدايدا - 20 اەك كولەمىندە، ال مەكەمە يەلەرىنە - 20-دان 60 اەك-كە دەيىن ايىپپۇل سالىنادى. سونداي-اق قۇقىقبۇزۋشىلىقتىڭ سەبەپتەرى مەن شارتتارىن جويۋ بويىنشا شارالار قابىلداۋدى ۇسىنۋ جۇزەگە اسىرىلادى»، – دەدى ۇزابايەۆ.