قاسىم-جومارت توقايەۆ تاتارستان پرەزيدەنتىن قابىلدادى

كەزدەسۋدە ساۋدا-ەكونوميكالىق، ينۆەستيسيالىق جانە مادەني-گۋمانيتارلىق سالالارداعى ىنتىماقتاستىقتى كەڭەيتۋ ماسەلەلەرى تالقىلاندى.

پرەزيدەنت قاسىم-جومارت توقايەۆ تاتارستان رەسپۋبليكاسىمەن تاۋار اينالىمى بيىل 9 ايدا 466 ميلليون دوللاردان اسقانىن ايتتى. مەملەكەت باسشىسى ساۋدا-ەكونوميكالىق جانە باسقا دا سالالارداعى بايلانىستار نىعايىپ كەلە جاتقانىنا كوڭىلى تولاتىنىن جەتكىزدى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ. 

رۋستام ميننيحانوۆ قاسىم-جومارت توقايەۆتى قازاقستان رەسپۋبليكاسىنىڭ پرەزيدەنتى لاۋازىمىنا قايتا سايلانۋىمەن قۇتتىقتادى. سونداي-اق ماشينا جاساۋ سالاسىنداعى ءىرى جوبالار تابىستى جۇزەگە اسىرىلىپ جاتقانىن ايتىپ، تاتارستان كومپانياسى ەلىمىزدىڭ ساران قالاسىندا سالعان شينا زاۋىتىنان بۇگىن العاشقى ءونىم شىققانىن اتاپ ءوتتى.

زاۋىت كەلەسى جىلى تولىق قۋاتتا جۇمىس ىستەۋدى جوسپارلاپ وتىر. كاسىپورىن جىلىنا جەڭىل جانە جۇك كولىكتەرىنە ارنالعان 3،5 ميلليون دوڭگەلەك شىعارادى. زاۋىتتا 1،1 مىڭ جۇمىس ورنىن اشۋ قاراستىرىلعان، ينۆەستيسيا كولەمى – 400 ميلليون دوللار.

قاسىم-جومارت توقايەۆ ءوزارا سەرىكتەستىكتى ودان ءارى نىعايتۋدىڭ ماڭىزدى ەكەنىنە توقتالىپ، ەلىمىزدەگى بىرلەسكەن جوبالارعا قولداۋ كورسەتۋدى جالعاستىرا بەرەتىنىن جەتكىزدى.