اتالمىش كىتاپ ماناش قوزىبايەۆتىڭ 90 جىلدىعىنا وراي شىعارىلعان.
بۇگىن الماتىدا وتاندىق تاريحتىڭ الپاۋىتى ماناش قوزىبايەۆتىڭ تۋعانىنا 90 جىل تولۋىنا ارنالعان ءىس-شارا مەملەكەتتىك مۇراعات عيماراتىندا ءوتتى، دەپ حابارلايدى Almaty-akshamy.kz
جيىن بارىسىندا عالىمنىڭ ەڭبەكتەرىنەن كورمە جاسالىپ، بەلگىلى عالىمدار مەن قوعام قايراتكەرلەرىنىڭ قاتىسۋىمەن عىلىمي كونفەرەنسيا ۇيىمداستىرىلدى.
ماناش قاباش ۇلى قوزىبايەۆ — قازاقستان رەسپۋبليكاسىنىڭ ۇلتتىق عىلىم اكادەمياسىنىڭ اكادەميگى. تاريح عىلىمدارىنىڭ دوكتورى، پروفەسسور. قازاقستاننىڭ مەملەكەتتىك سىيلىعىنىڭ، ق ر تۇڭعىش پرەزيدەنتىنىڭ مەملەكەتتىك بەيبىتشىلىك جانە رۋحاني كەلىسىم سىيلىعىنىڭ جانە ش.ءۋاليحانوۆ اتىنداعى مەملەكەتتىك سىيلىقتىڭ يەگەرى. قازاق كسرنىڭ ەڭبەك سىڭىرگەن عىلىم قايراتكەرى، قوستاناي وبلىسىنىڭ قۇرمەتتى ازاماتى.