ولارعا قوسا سوزىلمالى اۋرۋى بار ناۋقاستار دا «ءۇي رەجيمىن» ساقتاۋى ءتيىس.
رەسەيدە كوروناۆيرۋس ىندەتىنەن بولاتىن ءولىم-جىتىمنىڭ كۇرت وسۋىنە بايلانىستى جۇمىس ىستەمەيتىن اپتا جاريالاندى. بۇدان بۇرىن 30 قازان – 7 قاراشا ارالىعىندا لوكداۋن جاريالانعانىن جازعانبىز. بۇگىنگى اقپارات بويىنشا، دەمالىس 28 قازاننان باستالاتىن بولدى.
جاپپاي دەمالىس كەزىندە تەك ءدارىحانا مەن ازىق-تۇلىك دۇكەندەرى عانا اشىق بولادى. بالاباقشالار مەن مەكتەپتەرگە دە دەمالىس. قوسىمشا ءبىلىم بەرۋ ۇيىمدارى مەن ۇيىرمەلەر دە جۇمىسىن توقتاتادى. جوعارعى وقۋ ورىندارى قاشىقتان وقىتۋ جۇيەسىندە جۇمىس ىستەيدى.
ماسكەۋ مەرى ۆاكسينالانباعاندار ءۇشىن «ءۇي رەجيمىن» ەنگىزۋ تۋرالى جاريالادى. 60 جاستان اسقان ماسكەۋلىكتەر، سونداي-اق سوزىلمالى اۋرۋلارمەن اۋىراتىندار وسى جىلدىڭ 25 قازانىنان 2022 جىلدىڭ 25 اقپانىنا دەيىن ۇيدە بولۋى كەرەك. بۇل تالاپتىڭ سوڭعى التى ايدا كوروناۆيرۋسپەن اۋىرعاندارعا جانە ۆاكسينا العاندارعا قاتىسى جوق.