تۇركىستاندا ءوتىپ جاتقان ۇلتتىق قۇرىلتايدا پرەزيدەنت قاسىم-جومارت توقايەۆ وسىنداي تاپسىرما بەردى، دەپ حابارلايدى Almaty-akshamy.kz.
«تاريحي تانىمدى كەڭەيتۋگە زور ۇلەس قوساتىن تاعى ءبىر ماڭىزدى سالا – ارحەولوگيا. الماتىداعى ارحەولوگيا ينستيتۋتى – ەلىمىزدىڭ بىرەگەي تاريحي مۇراسىن جۇيەلى زەرتتەۋمەن اينالىساتىن باستى عىلىمي مەكەمە. وكىنىشكە قاراي، ونىڭ قازىرگى جاعدايى مۇشكىل. مەكەمەنى جاڭعىرتىپ، ونىڭ جۇمىسىنا تىڭ سەرپىن بەرۋ ءۇشىن ينستيتۋتقا بارىنشا جاعداي جاساۋ قاجەت. ونى ءتيىستى رەسۋرستارمەن قامتاماسىز ەتۋ كەرەك. ينستيتۋت جانىنان تاريحي جادىگەرلەردىڭ ارنايى قورىن جاساقتاعان ءجون. مۇنداي تاجىريبە الەم ەلدەرىندە كەڭىنەن تارالعان»، - دەپ تاپسىرما جۇكتەدى پرەزيدەنت.