مەملەكەتتىك رەتتەۋگە جاتاتىن ولشەمدەر تىزبەسى ساۋدا-كوممەرسيالىق وپەراسيالار كەزىندەگى تاۋارلار سالماعىنىڭ ولشەمدەرىمەن تولىقتىرىلدى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
سالىستىرىپ تەكسەرۋدىڭ ءمانى ولشەم قۇرالدارىنىڭ مىندەتتى مەترولوگيالىق تالاپتارعا سايكەستىگىن راستاۋ بولىپ تابىلادى. ول ءۇشىن اتتەستاتتالعان سالىستىرىپ تەكسەرۋ ادىستەمەسى پايدالانىلادى، ءبىرقاتار ءىس-شارالار جۇزەگە اسىرىلىپ، ناتيجەسىندە وڭ ناتيجەلەرى سالىستىرىپ تەكسەرۋ تاڭباسىنىڭ بەدەرىمەن كۋالاندىرىلادى، ال تەرىس جاعدايدا ولشەم قۇرالىنىڭ جارامسىزدىعى تۋرالى حابارلاما جىبەرىلەدى. ءراسىمنىڭ شىعىنى كوپ ەمەس، ساراپشىلاردىڭ باعالاۋى بويىنشا نارىقتاعى ورتاشا ەسەپپەن 5000 تەڭگەدەن سيرەك اسادى جانە ارنايى گىرلەردى پايدالانۋدى كوزدەيدى.
وزگەرىستەر «ولشەم بىرلىگىن قامتاماسىز ەتۋ تۋرالى» زاڭنىڭ قولدانىستاعى ەرەجەلەرىنە نەگىزدەلگەن، ول مەملەكەتتىك مەترولوگيالىق باقىلاۋ وبەكتىلەرىنىڭ ىشىندە ساۋدا وپەراسيالارىن جاساۋ كەزىندە يەلىكتەن شىعارىلاتىن ءونىم سانىن تىكەلەي انىقتادى، جانە دە ىشكى ساۋدا ەرەجەلەرىنە سايكەس ساۋدا وبەكتىسى قاجەتتى ساۋدا قۇرال-سايمانىمەن، جابدىعىمەن، ونىڭ ىشىندە !ولشەم بىرلىگىن قامتاماسىز ەتۋ تۋرالى» زاڭنىڭ تالاپتارىنا سايكەس قولدانۋعا رۇقسات ەتىلگەن ولشەم قۇرالدارىمەن قامسىزداندىرىلادى.
وسىلايشا، سالماعى بويىنشا ءونىمدى ساتۋ كەزىندە تۇتىنۋشىلار ولشەۋدىڭ انىق ەمەس ناتيجەلەرىنەن زاڭمەن قورعالادى جانە ولار اقىسى تولەنگەن سالماقتى الا الادى. ساراپتامالىق باعالاۋلار بويىنشا سالىستىرىپ تەكسەرۋگە ۇسىنىلاتىن ولشەم قۇرالدارىنىڭ شامامەن 8-10 %-ى ودان وتپەيدى، سول ارقىلى جارامدى بولىپ تابىلمايدى.
زاڭ تالاپتارىن ساقتاماعانى ءۇشىن «اكىمشىلىك قۇقىق بۇزۋشىلىق تۋرالى» كودەكستىڭ 419-بابىندا جەكە (30 اەك) جانە زاڭدى تۇلعالارعا (230 اەك-تەن 600 اەك-كە دەيىن) ايىپپۇل تۇرىندە جاۋاپكەرشىلىك قاراستىرىلعان.
شارا ءپىسىپ جەتىلگەن، ول كەزىندە «كوزدەن تاسا بولدى» دەپ ايتۋعا بولادى جانە باقىلاۋ 4 جىلدان استام ۋاقىت جۇرگىزىلمەگەن. مينۋت سايىن بۇكىل ەل بويىنشا مىڭداعان ساۋدا نىساندارىندا تۇتىنۋشىلار ءتۇرلى جاعدايداعى تارازىلارعا «قاراماي» سەنىپ، ولشەۋلەردىڭ تەكسەرىلمەگەن ناتيجەلەرى ءۇشىن ءوز قاراجاتتارىن تولەي بەرەدى. ازاماتتاردىڭ شاعىمدارى كەلىپ تۇسەدى. سالىستىرىپ تەكسەرۋ تارازىنىڭ دالدىگىن، تۇتىنۋشىلاردى قورعاۋدى جانە الدامشى تاجىريبەلەردى ازايتۋدى قامتاماسىز ەتەدى، - دەپ اتاپ ءوتتى سيم تەحنيكالىق رەتتەۋ جانە مەترولوگيا كوميتەتىنىڭ ءتوراعاسى قۋانىش ەلىكبايەۆ.
جاڭاشىلدىق اۋىلشارۋاشىلىق جارمەڭكەلەرگە قولدانىلمايدى دەپ قوستى ساۋدا مينيسترلىگى.