الەۋمەتتىك جەلىلەردە فوسفور زاۋىتى اۋماعىندا بولعان جارقىل مەن اسپانعا كوتەرىلگەن اق ءتۇتىننىڭ ۆيدەوسى تارادى.
جامبىل وبلىسى توتەنشە جاعدايلار دەپارتامەنتىنىڭ مالىمەتىنشە، وقيعا جاڭا جامبىل فوسفور زاۋىتىنىڭ سارى فوسفور ساقتالاتىن قويماسىندا بولعان.
"زاتتى تاسىمالداۋعا ارنالعان ىدىسقا قۇيۋ كەزىندە توگىلۋ ورىن العان. فوسفوردىڭ اۋاداعى وتتەكپەن ارەكەتتەسۋى سالدارىنان قىسقا مەرزىمدى تۇتانۋ بولعان"، - دەپ حابارلادى ۆەدومستۆو.
ءورت زاۋىت قىزمەتكەرلەرىنىڭ كۇشىمەن تەز ارادا ءسوندىرىلدى. زارداپ شەككەندەر جوق.
وقيعا ورنىنا توتەنشە جاعدايلار دەپارتامەنتىنىڭ ماماندارى بارىپ، ءمان-جايىن انىقتاۋعا كىرىستى. اقپارات ەكولوگيا دەپارتامەنتىنە جانە ءتيىستى ورگاندارعا بەلگىلەنگەن تارتىپپەن جولداندى.
تجد وكىلدەرى حالىققا ەشقانداي ءقاۋىپ جوق ەكەنىن اتاپ ءوتتى.