بىلتىر وسى اسكەري بولىمگە داڭقتى قولباسشىنىڭ ەسىمى بەرىلگەن.
«وڭتۇستىك» وڭىرلىك قولباسشىلىعىنىڭ مەحانيكالاندىرىلعان قۇراماسىندا كەڭەس وداعىنىڭ باتىرى باۋىرجان مومىشۇلىنا ەسكەرتكىش اشىلدى، دەپ حابارلايدى Almaty-akshamy.kz ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
سالتاناتتى راسىمگە قورعانىس ءمينيسترى، گەنەرال-لەيتەنانت رۋسلان جاقسىلىقوۆ، جامبىل وبلىسىنىڭ اكىمى بەردىبەك ساپاربايەۆ قاتىستى.
«باۋىرجان مومىش ۇلى - سانالى عۇمىرىن وتان قورعاۋعا ارناعان ءوز ەلىنىڭ ناعىز پاتريوتى. ول - ۇستانىمىنا ادال، ءوز ءىسىنىڭ شەبەرى بولعان كىسى. اتى اڭىزعا اينالعان ۇلى تۇلعانىڭ ادامگەرشىلىك قاسيەتتەرى جانە ەڭبەكتەرى تۋرالى كوپ ايتۋعا بولادى. جاس ۇرپاق مومىش ۇلىنىڭ ەرلىك جولىن ماڭگى ەسىندە ساقتاپ، ونىڭ ونەگەلى ومىرىنە قاراپ بوي تۇزەرى انىق»، – دەدى قورعانىس ءمينيسترى.
ەسكەرتكىشتىڭ اشىلۋ سالتاناتىنان كەيىن قورعانىس ءمينيسترى مەن وبلىس اكىمى اسكەري ءبولىمنىڭ مۇراجايىمەن تانىستى. گەنەرال-لەيتەنانت رۋسلان جاقسىلىقوۆ قۇرمەتتى قوناقتار كىتابىنا قولتاڭبا قالدىرىپ، بريگادانىڭ جەكە قۇرامىنا اتى اڭىزعا اينالعان قولباسشىنىڭ ەسىمىن لايىقتى الىپ جۇرۋىنە تىلەك ءبىلدىردى.
مينيستر قولتاڭبالار كىتابىنا: "...ونىڭ مۇراسى ءار اسكەري قىزمەتشىنىڭ ۇستەلىندە جاتۋى ءتيىس"، – دەپ جازدى.
2021 جىلى اتالعان اسكەري بولىمگە داڭقتى قولباسشى باۋىرجان مومىش ۇلىنىڭ ەسىمى بەرىلگەن بولاتىن.