تاراز - وليمپيادا ويىندارىنىڭ وتانى - ەجەلگى وليمپيامەن باۋىرلاس قالا اتاندى.
باۋىرلاستىق اكتىسىنە ءار 2 جىل سايىن وليمپيادا الاۋىن تۇتاتۋ سالتاناتى وتەتىن ءارى گرەك حالقى ءۇشىن قاسيەتتى جەر سانالاتىن گەرا عيباداتحاناسىنىڭ الدىندا قول قويىلدى، دەپ حابارلايدى Almaty-akshamy.kz.
قوس شاھار اراسىندا باۋىرلاستىق قاتىناس ورناتۋعا ەلىمىزدىڭ گرەكياداعى ەلشىلىگى مەن قازاقستان-گرەكيا ىسكەرلىك كەڭەسى مۇرىندىق بولدى. ەجەلگى وليمپيا يۋنەسكو-نىڭ الەمدىك مۇرا نىساندارىنىڭ قاتارىندا. حالىقارالىق وليمپيادا اكادەمياسى دا وسىندا ورنالاسقان. قوس قالا اكىمدەرى ءوز وڭىرلەرى مەن ىسكەر توپتارى اراسىندا ەكونوميكالىق بايلانىستاردى نىعايتۋعا ۋاعدالاستى.
«2 مىڭ جىلدان استام باي تاريحى بار، شىعىس پەن باتىستىڭ حالىقتارى مەن مادەنيەتتەرىنىڭ تۇيىسەتىن جەرى سانالاتىن تارازبەن باۋىرلاستىق ورناتقانىمىزعا قۋانىشتىمىز. ەندى قوس قالا حالقىنىڭ ىنتىماعى بەكىپ، مادەني، ىسكەرلىك بايلانىسىمىز ارتادى دەگەن سەنىمدەمىز»، - دەدى وليمپيا قالاسىنىڭ اكىمى گەورگيوس گەورگيوپۋلۋس.
«سپورت، مادەنيەت سالاسى ءبىلىم مەن عىلىم سالاسى بويىنشا دا جوبالار ىسكە اسىرامىز دەگەن جوسپارىمىز بار. وسى ەجەلگى وليمپيا قالاسىنىڭ ءتۋريزمدى دامىتۋ بويىنشا ىستەگەن جۇمىستارىن، ولاردىڭ تاجىريبەسىن دە ءبىز جان-جاقتى زەردەلەپ، تاراز قالاسىندا دا ءتۋريزمدى دامىتۋ بويىنشا ناقتى جۇمىس جاسايمىز دەگەن جوسپارىمىز بار»، - دەيدى تاراز قالاسىنىڭ اكىمى باقىتجان ورىنبەكوۆ.