وقۋشىلاردىڭ توقساندىق دەمالىسى اياقتالدى.
ەكىنشى توقسان قارساڭىندا الماتى پوليسياسى كومپيۋتەرلىك كلۋبتاردى تەكسەردى. “مەكتەپ” جەدەل الدىن الۋ ءىس-شاراسى اياسىندا جەرگىلىكتى رەيدتەر ۇيىمداستىرىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«تۇنگى رەيدتەردىڭ نەگىزگى باعىتتارى – تۇنگى ۋاقىتتا ويىن-ساۋىق مەكەمەلەرىندە زاڭدى وكىلدەرىنسىز جۇرگەن 18 جاسقا دەيىنگى جاسوسپىرىمدەردى انىقتاۋ، بالالاردىڭ قاراۋسىز قالۋىنىڭ جولىن كەسۋ جانە كامەلەتكە تولماعاندار اراسىنداعى قۇقىق بۇزۋشىلىقتىڭ الدىن الۋ. ءىس-شارا كەزىندە ينسپەكتورلار ويىن-ساۋىق مەكەمەلەرىن تەكسەرەدى، كامەلەتكە تولماعاندار تۇراتىن قولايسىز وتباسىلارعا بارادى، پروفيلاكتيكالىق ەسەپتە تۇرعان جاسوسپىرىمدەردىڭ ۇيىنە كىرىپ شىعادى، سونداي-اق جاسوسپىرىمدەر شوعىرلانعان ورىندارعا بارادى. ەڭ وزەكتىسى كومپيۋتەرلىك كلۋبتار، ءبىزدىڭ ينسپەكتورلار ءبىرىنشى سول جاقتى تەكسەرەدى. تاجىريبە كورسەتكەندەي، كەيبىر بالالار ءتۇنى بويى ويىن ويناپ وتىرادى»، – دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى سەرىك شۋمايەۆ.
ءىس-شارانى وتكىزۋ كەزەڭىندە ءىىو-عا ءارتۇرلى قۇقىق بۇزۋشىلىقتارى ءۇشىن 208 كامەلەتكە تولماعاندار جەتكىزىلدى، ولاردىڭ كوپشىلىگى اكىمشىلىك قۇقىق بۇزۋشىلىق جاساعاندار.