«تاقيالى پەرىشتە» فيلمىندەگى تايلاقتىڭ ءپروتوتيپى – ساككو ەسىمدى ازامات ومىردەن ءوتتى، دەپ حابارلايدى El.kz اقپارات اگەنتتىگى.
بۇل تۋرالى جۋرناليست دارحان ومىربەك الەۋمەتتىك جەلىدە مالىمدەدى، دەپ حابارلايدى aqshamnews.kz.
ناعىز "تاقيالى پەرىشتە" دۇنيەدەن وزدى. "تاقيا پەرىشتە" ءفيلمىنىڭ جەلىسى ومىردە بولعان وقيعا ەكەنىن بىلەسىز بە؟ تەك كەيىپكەرلەرىنىڭ اتى تانا ەمەس ايناگۇل، تايلاق ەمەس ساككو. ساككوۆ - جەتى بالانىڭ كەنجەسى. ەكى اعاسى، ءتورت اپكەسى بولعان. ەكى ۇلى ۇياعا، ءتورت قىزىن قياعا قوندىرعان اناسى جۋاس كەنجەسى ۇيلەنبەي قالا ما دەپ ۋايىمداپ، ىسكە كىرىسكەن. مۇنىڭ ءبارى قالاي كينوعا اينالدى دەيسىز بە؟ ايناگۇل اپانىڭ ءبىر قىزى رەجيسسەر كاۋكەن كەنجەتايەۆقا تۇرمىسقا شىققان. ال ول ەنەسى مەن قايىن ءىنىسىنىڭ حيكاياسىن اعاسى شاكەن ايمانوۆقا اڭگىمەلەپ بەرگەن، - دەپ جازدى جۋرناليست.
قاراتايەۆ ساككو بەيسەك ۇلى 1937 جىلى دۇنيەگە كەلگەن. ونىڭ اكەسى حالىق جاۋى دەپ قۋعىندالىپ، بالا ساككو اكەسىن كورمەي جەتىم قالعان
1 اقپان كۇنى قاراتايەۆ ساككو بەيسەك ۇلى 88 جاسىندا ومىردەن ءوتتى. ونىڭ قىزى ءاليا بالاپانوۆا كەزىندە اكەسىنىڭ تاريحىن كوپشىلىكپەن ءبولىسىپ، ونىڭ ايگىلى ءفيلمنىڭ باستى كەيىپكەرىنىڭ ءپروتوتيپى ەكەنىن راستاعان بولاتىن.