قالالىق اكىمشىلىك پوليسيانىڭ حابارلاۋىنشا، بۇل پروسەسس "جول قوزعالىسى تۋرالى" زاڭعا ەنگىزىلگەن وزگەرىستەرگە سايكەس جۇرگىزىلىپ جاتىر.
كولiكتiڭ وسى ءتۇرiنiڭ جۇمىسىن رەتتەۋ ماقساتىندا زاڭناماعا تۇزەتۋلەر 2024 جىلى ەنگiزiلدi، دەپ حابارلايدى aqshamnews.kz Polisia.kz-كە سىلتەمە جاساپ.
ەندى ولاردىڭ جۇرگىزۋشىلەرى جول قوزعالىسىنىڭ تولىققاندى قاتىسۋشىلارى بولىپ سانالادى جانە بارلىق زاڭ تالابىن ساقتاۋعا مىندەتتى. مەنشىك يەلەرى وڭايلاتىلعان تارتىپتە تىركەۋ راسىمىنەن وتە الادى. ق ر ىشكى ىستەر مينيسترلىگى قاجەتتى قۇجاتتاردىڭ ءتىزىمىن ازىرلەدى، رامادا سايكەستەندىرۋ ءنومىرى بولماعان جاعدايدا دا تىركەۋگە رۇقسات ەتىلەدى. بۇگىنگى تاڭدا قالادا 300-گە جۋىق كولىك قۇرالى رەسمي تىركەلگەن.
پوليسيا تىركەۋ نۇسقاۋلارى مەن قاجەتتى قۇجاتتار ءتىزىمى بار پاراقشالار مەن جادىنامالار تاراتۋدا. 5 ساۋىردەن باستاپ كۇشىنە ەنەتىن تۇزەتۋلەرگە سايكەس، موپەدتەر مەحانيكالىق كولىكتەرگە تەڭەستىرىلەدى. ونى باسقارۋ ءۇشىن تىركەۋ جانە A1 ساناتىنداعى جۇرگىزۋشى كۋالىگى مىندەتتى تۇردە قاجەت بولادى.