تاپسىرمالار مۇلتىكسىز جانە ۋاقتىلى ورىندالۋى ءتيىس. ۇلتتىق قاۋىپسىزدىكتى قامتاماسىز ەتۋدىڭ تىڭ تاسىلدەرى قاجەت. بۇل تۋرالى ەلىمىزدىڭ الەۋمەتتىك-ەكونوميكالىق دامۋى جونىندەگى كەڭەستە مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ءقازىر – ەرەكشە تاريحي كەزەڭ. عىلىم مەن تەحنولوگيا عانا ەمەس، قوعامدىق قاتىناستار دا تۇبەگەيلى وزگەرىپ جاتىر. مەملەكەتتەردىڭ دامۋ باعدارى جانە باسىمدىقتارى باسقاشا سيپات الدى. مۇنداي كەزدە باتىل ءارى جىلدام ارەكەت جاساۋ قاجەت»، – دەدى پرەزيدەنت.
مەملەكەت باسشىسى ارقانى كەڭگە سالىپ وتىرۋعا ۋاقىت جوق ەكەندىگىن باسا ايتتى.
«جۇكتەلگەن مىندەتتەردى ورىنداۋ ءۇشىن دەرەۋ ىسكە كىرىسۋ كەرەك. تاپسىرمالار مۇلتىكسىز جانە ۋاقتىلى ورىندالۋعا ءتيىس. ايتپەسە، سالدارى اۋىر بولادى. رەفورمالاردىڭ ناتيجەسىن ءاربىر ازامات ناقتى سەزىنۋى قاجەت. الداعى جۇمىستىڭ باستى ولشەمى – وسى! بارشاڭىزعا تابىس تىلەيمىن!» – دەپ تۇيىندەدى كەڭەستى قاسىم-جومارت توقايەۆ.