الاياقتىقتىڭ جاڭا ءتۇرى شىقتى.
قۇقىق قورعاۋ ورگاندارى الاياقتار اككاۋنتتاردى بۇزىپ، جاساندى تۇردە يەلەرىنىڭ داۋىستارىن سالا الاتىنىن مالىمدەدى، دەپ حابارلايدى Almaty-akshamy.kz
ىشكى ىستەر مينيسترلىگى قازاقستاندىقتاردى جاساندى داۋىستار قولدانىلاتىن الاياقتىق تۋرالى ەسكەرتتى.
"الاياقتار مەسسەندجەرلەر مەن الەۋمەتتىك جەلىلەردەگى اككاۋنتتاردى بۇزىپ، حات الماسۋلاردا ساقتالعان داۋىس ۇلگىلەرىن پايدالانىپ، اككاۋنت يەسىنىڭ داۋىسىن جاسايدى. بارلىق چاتتارعا اقشا جىبەرۋدى سۇراپ، قىسقا داۋىستىق حابارلاما تاراتادى. بۇل سحەمانىڭ قاۋىپتىلىگى - الاياقتار قۇرباننىڭ بىرنەشە سايكەستەندىرۋ فاكتورلارىن پايدالانادى — اككاۋنت، داۋىس جانە بانك كارتاسى. بۇل جىبەرۋشىگە دەگەن سەنىمدى ارتتىرادى"، - دەپ حابارلادى ءىىم.