ازىق-تۇلىك باعاسى تومەندەگەن - ستاتيستيكا

ۇلتتىق ستاتيستيكا بيۋروسى ينفلياسيا تۋرالى مالىمەتتەردى جاريالادى، - دەپ حابارلايدى Aqshamnews.kz ءتىلشىسى.

2025 جىلعى جەلتوقسانداعى ايلىق ينفلياسيا دەڭگەيى 0،9%. ازىق-تۇلىك تاۋارلارىنىڭ باعاسى – 1،2%، ازىق-تۇلىككە جاتپايتىن تاۋارلاردىكى – 0،7%، اقىلى قىزمەتتەر 0،6% ءوستى.

وتكەن ايدا اپەلسين باعاسى 2،6%، ءسابىز – 2%، قانت – 1،3%، جۇمىرتقا 0،1% تومەندەدى. ال كونسەنتراتتالعان ءسۇت – 2،1%، قاتتى ىرىمشىك – 1،8%، كوكونىس شىرىندارى 1،6% قىمباتتادى.

جەكەلەگەن دارى-دارمەكتەردىڭ باعاسى تومەندەدى: سۋپراستين – 18،5%، ەناپ – 5،2%، كانەفرون – 1،4%، يودومارين مەن ازيتروميسين – ءارقايسىسى 0،9%-دان. اۆتوموبيلدەر – 0،4%، ەلەكتر قۇرالدارى 0،9% ارزاندادى. سمارتفوندار – 0،9%، جەكە گيگيەنا تاۋارلارى 1،1% قىمباتتادى.

كوممۋنالدىق قىزمەتتەر اراسىندا سۋ بۇرۋ تاريفتەرى 2،4%، سۋىق سۋ – 0،9% تومەندەدى. ءبىر اي ىشىندە تاكسي قىزمەتتەرى 1،8%، مونشاعا بارۋ – 2،1%، كينوتەاتر قىزمەتتەرى – 2،9% قىمباتتادى.

2025 جىلعى جىلدىق ينفلياسيا 12،3%. جەلتوقساندا ازىق-تۇلىك تاۋارلارىنىڭ جىلدىق دەڭگەيى – 13،5%، ازىق-تۇلىككە جاتپايتىن تاۋارلاردىكى – 11،1%، اقىلى قىزمەتتەردىكى 12% ءوستى.

ازىق-تۇلىك تاۋارلارى اراسىندا جىلدىق ماندە باعا قىزاناققا – 7،9%، كۇرىشكە – 4،8%، قيارعا – 4،7%، ءتاتتى بۇرىشقا – 2،7%، كەپتىرىلگەن ورىككە 2% تومەندەدى. كەرىسىنشە ءجۇزىم – 7،7%، كوك شاي باعاسى 7،9% ءوستى.

ازىق-تۇلىككە جاتپايتىن تاۋارلار اراسىندا اياق كيىمگە جاعاتىن كرەم باعاسى 10،8%، سانتەحنيكالىق قوسپالاۋىش – 8،5%، ەلەكتر بۇرعىسى 6،6% قىمباتتاعان.

2025 جىل ىشىندە تۇرعىن ۇي-كوممۋنالدىق قىزمەتتەر سالاسىندا سۋىق سۋ تاريفتەرى 13،1% تومەندەدى. اياق كيىم جوندەۋ باعاسى – 10،1%، پوشتا قىزمەتتەرى – 8،9%، اۆتوساقتاندىرۋ 6،5% ءوستى.

وڭىرلەر اراسىندا جىلدىق ينفلياسيانىڭ تومەن دەڭگەيى الماتى قالاسى مەن قوستاناي وبلىسىندا – 11،7%، سونداي-اق اباي، جامبىل جانە باتىس قازاقستان وبلىستارىندا بايقالدى – 11،8% دەڭگەيىندە.

*2025 جىلعى قاڭتاردان باستاپ تۇتىنۋ باعالارىنىڭ يندەكسىن ەسەپتەگەندە ازىق–تۇلىك تاۋارلارىنىڭ ۇلەسى – 40%، ازىق-تۇلىك ەمەس تاۋارلار – 30،3%، اقىلى قىزمەتتەر 29،7%.

ينفلياسيا دەڭگەيىن سيپاتتايتىن تۇتىنۋ باعالارى يندەكسىنىڭ كورسەتكىشى اي سايىن ەسەپتەلەدى. باقىلاۋلار قىزمەتتەر مەن تاۋارلاردىڭ تاريفتەرى مەن باعالارى – بارلىعى 508 پوزيسيا بويىنشا جۇرگىزىلەدى. ينفلياسيا بويىنشا ديناميكالىق وزگەرىستەردى 2018 جىلدان باستاپ كورسەتكىشتەر قامتىلعان ارنايى ازىرلەنگەن ينتەراكتيۆتى داشبوردتا كورۋگە بولادى.

*2025 جىلعى قاڭتاردان باستاپ تۇتىنۋ باعالارىنىڭ يندەكسىن ەسەپتەگەندە ازىق–تۇلىك تاۋارلارىنىڭ ۇلەسى –   40،0%، ازىق-تۇلىك ەمەس تاۋارلار – 30،3%، اقىلى قىزمەتتەر 29،7%.