تانىمال ورىنداۋشىلار مەن قازاقستاندىق ەسترادا جۇلدىزدارى الماتىداعى ءوز سايلاۋ ۋچاسكەلەرىندە داۋىس بەردى. سونىمەن، سايلاۋشىلار اراسىندا Raim، ايقىن تولەپبەرگەن، Kyle Ruھ، كەشۋوي توبىنىڭ ەكس-سوليسى بالاۋسا ەرعالينا جانە باسقالارى بوي كورسەتتى، دەپ حابارلايدى aqshamnews.kz.
اتوم ەلەكتر ستانسياسىن ( اەس) سالۋ ماسەلەسى بويىنشا رەفەرەندۋمعا قاتىسقان ءانشى نۇرسۇلتان بايعۇن الماتىنىڭ الاتاۋ اۋدانىنداعى №176 مەكتەپ-گيمنازياسىندا ورنالاسقان №508 سايلاۋ ۋچاسكەسىنە كەلدى.
«مەن ەرەسەك ۇرپاقتىڭ عانا ەمەس، جاستاردىڭ دا بۇل ماسەلەگە جاۋاپكەرشىلىكپەن قارايتىنىنا قۋانىشتىمىن. ويتكەنى، ءبىزدىڭ بولاشاعىمىز وسىعان بايلانىستى. بۇل جاي سوزدەر ەمەس. قازاقستاننىڭ ءاربىر ازاماتىنىڭ رەفەرەندۋمعا قاتىسۋى ماڭىزدى»، - دەپ اتاپ ءوتتى نۇرسۇلتان بايعۇن.
ەستەرىڭىزگە سالا كەتەيىك، بۇگىن اەس سالۋ ماسەلەسى بويىنشا رەسپۋبليكالىق رەفەرەندۋم وتۋدە. الماتى تۇرعىندارى تۇرعىلىقتى جەرى بويىنشا سايلاۋ ۋچاسكەلەرىنە بارىپ، ساعات 20.00-گە دەيىن ءوز داۋىستارىن بەرە الادى.