بۇگىن الماتىلىقتار اەس قۇرىلىسىن تالقىلايتىن رەفەرەندۋمدا بەلسەندى تۇردە داۋىس بەرۋدە. سايلاۋ ۋچاسكەلەرىنەن عالىمداردى، جازۋشىلاردى، اكتەرلەردى، مۋزىكانتتاردى جانە ەلىمىزدىڭ باسقا دا تانىمال تۇلعالاردى كورۋگە بايقاۋعا بولادى. كەيبىر ۋچاسكەلەردە ءتىپتى، كەزەك پايدا بولعان.
تانىمال تاريحشى جانە قوعام قايراتكەرى اشىربەك كوپىشيەۆ دە سىرت قالماي، رەفەرەندۋمدا توبە كورسەتىپ، داۋىس بەردى.
«بۇگىن ءبىز وسى رەفەرەندۋمعا قاتىسۋ ارقىلى مەملەكەتىمىزدىڭ بولاشاعىن شەشۋگە مۇمكىندىك الامىز. بۇل ەلىمىز ءۇشىن ماڭىزدى قادام، مەن قۋانا داۋىس بەردىم»، - دەدى اشىربەك كوپىشيەۆ.
بۇگىنگى داۋىس بەرۋگە حالىق ءارتيسى ءاسانالى ءاشىموۆ، بيبىگۇل تولەگەنوۆا، التىنبەك قورازبايەۆ جانە ءتۇ.ب. تانىمال تۇلعالار قاتىستى.
ەستەرىڭىزگە سالا كەتەيىك، بۇگىن قازاقستاندا رەسپۋبليكالىق رەفەرەندۋم ءوتىپ جاتىر، ساعات 14:00-گە دەيىن 51،77% قازاقستاندىق داۋىس بەرگەن. الماتى تۇرعىندارى 20:00-گە دەيىن ءوز سايلاۋ ۋچاسكەلەرىنە كەلە الادى.