تانىمال كاسىپكەر ايدىن راحىمبايەۆ ءوزىنىڭ كەنجە ۇلىنىڭ اسكەري قىزمەتكە اتتانعانىن مالىمدەدى.
بۇل تۋرالى كاسىپكەر Instagram پاراقشاسىندا جازىپ، ۇلىنىڭ انت قابىلداۋ ساتىنەن سۋرەت ءبولىستى، دەپ حابارلايدى Aqshamnews.kz.
بيزنەسمەننىڭ ايتۋىنشا، كىشى ۇلى بىرنەشە فيزيكالىق دايىندىقتان ءوتىپ، دەسانتتىق-شابۋىلداۋشى بولىمگە تۇسكەن.
ۇلىم وتان الدىنداعى بورىشىن وتەۋگە كەتتى. ەندى ول ەلىمىزدىڭ، دەمەك، ءبىزدىڭ وتباسىمىزدىڭ قورعاۋشىسى. التى اي بۇرىن ول King’s College London ۋنيۆەرسيتەتىنە IT ماماندىعى بويىنشا وقۋعا تۇسكەن ەدى. ءبىز الدىن الا كەلىسكەنبىز: ەگەر وقۋ مەن اسكەر ماسەلەسى قاتار كەلسە، ول ەشقانداي جەڭىلدىكسىز، وزگە جاستار سياقتى بورىشىن وتەيدى. سول ءسات كەلدى، جانە ول بۇل شەشىمدى ەر جىگىتكە لايىق قابىلدادى. بۇل ماڭىزدى ساتتە قاسىندا اناسى مەن قارىنداسى بولدى. اسكەري بورىشىن وتەگەن سوڭ وقۋىن جالعاستىرادى، ءبىراق ەندى ومىرلىك تاجىريبەسى مەن رۋحى مىقتى ازامات رەتىندە، - دەپ جازدى راحىمبايەۆ.
جالپى سوڭعى جىلدارى ەلگە تانىمال تۇلعالاردىڭ ۇلدارى اكەرگە بارۋ فاكتىسى ءجيى تىركەلىپ ءجۇر. ماسەلەن وسىدان ەكى جىل بۇرىن، تانىمال تەلەجۇرگىزۋشى دينارا ءساتجان دا ۇلىنىڭ اسكەر قاتارىنا قابىلدانىپ جاتقانىن الەۋمەتتىك جەلىسى ارقىلى جاريالاعان ەدى.