Alash Media Group حولدينگىنىڭ باسشىسى باتىر قازىبايەۆ 53 جاسىندا دۇنيەدەن وزدى، دەپ حابارلايدى Almaty-akshamy.kz.
قارالى حاباردى مارقۇمنىڭ ءوزى نەگىزىن قالاعان Tengrinews.kz پورتالى جاريالادى.
باتىر قازىبايەۆ بەلگىلى قازاقستاندىق جۋرناليست، جازۋشى كاكىمجان قازىبايەۆتىڭ بالاسى، ول كوپ جىلدار بويى وبلىستىق جانە رەسپۋبليكالىق گازەتتەردىڭ رەداكسياسىندا باسشىلىق لاۋازىمداردا قىزمەت اتقاردى، قازاقستان كومپارتياسى وك حاتشىسى بولعان. باتىر قازىبايەۆ اكەسىنىڭ جولىن قۋىپ، جۋرناليستيكاداعى مانسابىن تاڭدادى، تابىستى مەديامەنەدجەر بولدى.
باتىر قازىبايەۆ سوڭعى 10 جىلدان استام ۋاقىت بويىندا قۇرامىنا Tengrinews.kz، Vesti.kz، Massaget.kz اقپاراتتىق پورتالدارى، جۇلدىز FM، رەترو FM كازاحستان راديوستانسالارى، ستۆ، "جەتىنشى ارنا" تەلەارنالارى، كەيىننەن سايت رەتىندە قالعان "الاش ايناسى" رەسپۋبليكالىق گازەتى كىرەتىن مەدياحولدينگتى باسقارىپ كەلدى.
«الماتى اقشامى» گازەتى مەن Almaty-akshamy.kz سايتىنىڭ رەداكسياسى مارقۇمنىڭ وتباسى مەن تۋىستارىنا قايعىلارىنا ورتاقتاسىپ كوڭىل ايتادى.