جۋرناليست ميحايل كوزاچكوۆ ۇيىمداسقان قىلمىستىق توپقا كومەكتەسكەن دەگەن كۇدىكپەن ۇستالدى
قارجىلىق مونيتورينگ اگەنتتىگى ميحايل كوزاچكوۆتى ۇستادى، دەپ حابارلايدى Almaty-akshamy.kz اگەنتتىكتىڭ باسپا ءسوز قىزمەتىنە سىلتەمە جاساپ.
باسپا ءسوز قىزمەتىنىڭ مالىمەتتەرىنە قاراعاندا، ميحايل كوزاچكوۆ كوسپايەۆتىڭ ۇيىمداسقان قىلمىستىق توبىنا رەيدەرلىك باسىپ الۋلار جاساۋعا كومەكتەسكەن دەگەن كۇدىك كەلتىرىلىپ وتىر.
قوسپايەۆ پەن ونىڭ سىبايلاستارى تانىمال كاسىپكەرلەردىڭ بيزنەسىن تارتىپ الۋى تەرىس قوعامدىق رەزونانس تۋدىراتىنىن ءتۇسىنىپ، كوزاچكوۆتىڭ قىزمەتتەرىن رەيدەرلىك باسىپ الۋ قۇرباندارىنا اقپاراتتىق شابۋىل جاساۋ ماقساتىندا پايدالاندى.
ءوز كەزەگىندە، كوزاچكوۆ قۇقىق قورعاۋ ورگاندارىندا كوپ جىلدىق تاجىريبەسى بار دوسى بۋرحان جانسەيىتوۆتى ءىرى كولەمدەگى سىياقىعا ۇيىمداسقان قىلمىستىق توپ مۇشەلەرىنە سىبايلاستىق جاساۋعا تارتتى.
سوڭعىسى ءوزىنىڭ بۇرىنعى بايلانىستارى ارقىلى ۇيىماسقان قىلمىستىق توپتىڭ قاجەتتىلىكتەرى ءۇشىن، سونىمەن قاتار كەيىن جاريالاۋعا ارنالعان ايىپتايتىن اقپاراتتاردى جينادى.
سونىمەن قاتار، جانسەيىتوۆ كوزاچكوۆقا تەلەگرامم-كانالىن مودەراسيالاۋعا كومەكتەستى، اتاپ ايتقاندا، ءجۋرناليستىڭ جاريالانىمدارىنىڭ استىنا ۇيىمداسقان قىلمىستىق توپتىڭ باسقا مۇشەلەرىمەن بىرىگىپ، كوممەنتارييلەر ورنالاستىرۋ ارقىلى قوعامدىق پىكىر قالىپتاستىردى.
پوستتارعا جاعىمسىز پىكىرلەر قالدىرعان جازبالاردى ءوشىرىپ، پايدالانۋشىلاردى بۇعاتتاپ وتىرعان.
تەرگەۋ بارىسىندا جانسەيتوۆ پەن كوزاچكوۆتىڭ ءوز قىزمەتتەرى ءۇشىن ۇيىمداسقان قىلمىستىق توپ مۇشەلەرىنەن 52 ملن تەڭگە سىياقى العانى دالەلدەندى.
كاسىپكەر ءابدىعاپپاروۆتىڭ شەشەسى جۇنىسبەكوۆاعا تيەسىلى «ەسەنتاي سيتي» جوباسىنداعى ۇلەستى رەيدەرلىك باسىپ الۋ پيعىلىن ىسكە اسىرۋ ءۇشىن كوزاچكوۆ ءابدىعاپپاروۆتىڭ بەدەلىن تۇسىرەتىن ءبىرقاتار ماقالالار جاريالادى.
بۇل رەتتە جۋرناليست «بۇقارالىق اقپارات قۇرالدارى تۋرالى» زاڭ تالاپتارىن ورەسكەل بۇزدى، ويتكەنى كەيبىر جاعدايلاردا ول كورىنەۋ جالعان مالىمەتتەردى، سونداي-اق بانكتىك، وتباسىلىق جانە باسقا دا زاڭمەن قورعالاتىن قۇپياعا قاتىستى دەرەكتەردى تاراتتى.
بيىلعى ساۋىردە كاسىپكەر ابدۋللايەۆ كوسپايەۆتىڭ قىلمىستىق توپ مۇشەسى – شالين رۋسلان تاراپىنان شىنى ىدىستار شىعاراتىن زاۋىتتى رەيدەرلىك باسىپ الۋ فاكتىسى تۋرالى جۇرتشىلىققا جۇگىندى، ولار زاڭدى مەنشىك يەسىن باسقارۋدان شەتتەتۋگە تىرىستى.
جولعا قويىلعان سحەما بويىنشا، قىلمىستىق توپتىڭ مۇددەسى ءۇشىن ارەكەت ەتە وتىرىپ، كوزاچكوۆ زاۋىت يەسىنىڭ بەدەلىن تۇسىرەتىن ءبىرقاتار ماقالا جاريالادى. بۇل رەتتە الماتى وبلىسى تۇرعىندارىنىڭ الكوگول ونىمىمەن ۋلانۋى جانە جابىرلەنۋشىنىڭ قاساقانا كىسى ولتىرۋگە قاتىسى بار ەكەندىگى تۋرالى كورىنەۋ جالعان مالىمەتتەر تاراتىلدى.
2022 جىلدىڭ شىلدە ايىنىڭ باسىندا قوسپايەۆتىڭ قىلمىستىق توپ مۇشەلەرى قارجىلىق مونيتورينگ ورگاندارى ولاردىڭ قىلمىستىق ارەكەتتەرىن اشكەرەلەۋ بويىنشا جەدەل ءىس-شارالار مەن تەرگەۋ جۇرگىزىپ جاتقانىن قۇقىق قورعاۋ ورگاندارىنداعى دەرەككوزدەرى ارقىلى بىلگەن. جاسالعان قىلمىستارى ءۇشىن قىلمىستىق جاۋاپقا تارتىلۋدان قورقىپ، توپ مۇشەلەرى تاناشيەۆ، شالين، كوسپايەۆ ايدوس، كوزاچكوۆ پەن جانسەيىتوۆتىڭ قاتىسۋىمەن ەلدوس كوسپايەۆتىڭ ۇيلەستىرۋىمەن تەرگەۋ ورگانىنىڭ بەدەلىن ءتۇسىرۋ جانە ونىڭ جۇمىسىنا كەدەرگى جاساۋ جوسپارىن ىسكە اسىردى.
بيىلعى 12 شىلدەدە الماتى قالاسىندا جانسەيىتوۆ ۇىلمىستىق توپتىڭ بەلسەندى مۇشەسى - ايدوس كوسپايەۆقا باقىلاۋدى جۇرگىزگەن جەدەل قىزمەتكەرلەردىڭ ماشيناسىنىڭ جولىن بۇعاتتادى.
الدىن الا دايىندالعان سەناريي بويىنشا ادۆوكاتتار مەن كوزاچكوۆ وقيعا ورنىنا كەلدى، ولار قورعاۋشىلاردى جاسىرىن باقىلاۋدى اشكەرەلەگەنى تۋرالى جالعان مالىمەتتەردى كوپشىلىككە تاراتا باستادى.
بيللينگ پەن باقىلاۋ كامەرالارىن قولدانۋ ارقىلى جەدەل ماشينانىڭ سول كۇنى نەمەسە الدىڭعى بىرنەشە كۇندە ادۆوكاتتاردىڭ ءجۇرۋ باعىتى بويىنشا مۇلدەم قيىلىسپاعانى سەنىمدى تۇردە انىقتالدى.
كوزاچكوۆ ناقتى دەرەكتەردىڭ بۇرمالانۋىمەن بايلانىستى جاعدايدى قىلمىستىق توپ مۇددەسى ءۇشىن قامتىپ قانا قويماي، ولاردىڭ ىس-ارەكەتتەرىن سول جەردە ۇيلەستىردى جانە كوسپايەۆ ايدوسقا باقىلاۋدان جاسىرىنۋعا مۇمكىندىك بەردى. ناتيجەسىندە سوڭعىسى ىزدەۋگە جاريالاندى.
بۇرىن حابارلانعانداي، ءوزىنىڭ جازاعا تارتىلمايتىنىن سەزگەن جانسەيىتوۆ، زاڭدى اشىق تۇردە تاپتاپ، بۇزاقىلىق ارەكەتتەر جاساپ، قۇقىق قورعاۋ ورگانى قىزمەتكەرىنىڭ دەنەسىن قاساقانا جاراقاتتاعان.
بۇدان باسقا، كوزاچكوۆقا جانە باسقا تۇلعالارعا قاتىستى مەملەكەتتىك قۇپيالاردى قۇرايتىن مالىمەتتەردى زاڭسىز جيناۋ جانە تاراتۋ فاكتىلەرى بويىنشا قىلمىستىق ءىس تەرگەلۋدە.
قازىرگى ۋاقىتتا تەرگەۋ جالعاسۋدا، كوسپايەۆتىڭ ۇقت مۇشەلەرىنىڭ باسقا دا قىلمىستارعا قاتىسى بار-جوعى تەكسەرىلۋدە.
ايتا كەتەيىك، بۇعان دەيىن قارجىلىق مونيتورينگ اگەنتتىگى رەيدەرلىك جاسادى دەپ ايىپتالعان كۇدىكتى ەلدوس قوسپايەۆ پەن ونىڭ سەنىمدى تۇلعالارىنا قاتىستى تەرگەۋ باستالعانىن جازعان ەدىك.