تانىمال اكتەر ومىردەن ءوتتى

مەملەكەتتىك سىيلىقتىڭ لاۋرەاتى، قازاقستاننىڭ ەڭبەك ەرى يۋريي پومەرانسيەۆ 100 جاسقا قاراعان شاعىندا دۇنيەدەن وزدى

كورەرمەنگە «ءبىزدىڭ سۇيىكتى دارىگەر» فيلمىندەگى ءرولى ارقىلى ەتەنە تانىس اكتەر يۋريي پومەرانسيەۆ ومىردەن ءوتتى،  دەپ حابارلايدى Almaty-akshamy.kz  قازاقپاراتقا سىلتەمە جاساپ.

مەملەكەتتىك سىيلىقتىڭ لاۋرەاتى، قازاقستاننىڭ ەڭبەك ەرى يۋريي پومەرانسيەۆ 100 جاسقا قاراعان شاعىندا دۇنيەدەن وزدى.

يۋريي پومەرانسيەۆ 1923 جىلى 11 اقپاندا ۋكراينانىڭ كييەۆ قالاسىندا تۋعان. كەيىننەن ونىڭ وتباسى قاراعاندىعا قونىس اۋداردى. اكەسىنىڭ قازاسىنان كەيىن اناسىمەن بىرگە ماسكەۋگە كوشىپ، مايدانعا اتتاندى.

اۋىر جارالانعاننان كەيىن 1943 جىلى يۋريي بوريسوۆيچ الماتىعا كەلەدى. ونەر جولى الماتىدا باستالدى. اكتەر تەاتر جانە كينودا ونداعان رولدەردى سومدادى. كورەرمەنگە شاكەن ايمانوۆتىڭ «ءبىزدىڭ سۇيىكتى دارىگەر» فيلمىندەگى باس كەيىپكەر اناتوليي لاۆروۆتىڭ ءرولى ارقىلى تانىس. ول 300-دەن اسا كەيىپكەردىڭ بەينەسىن سومدادى. مۇحتار اۋەزوۆتىڭ «اباي جولى» رومانى بويىنشا 1968 جىلى قويىلعان اباي دراماسىنداعى باستى رولدەردىڭ ءبىرىن سومدادى.

2018 جىلدىڭ مامىردا يۋريي پومەرانسيەۆكە «قازاقستاننىڭ ەڭبەك ەرى» اتاعى بەرىلدى. سول جىلى رەسەيدىڭ «دوستىق» وردەنىن دە يەلەندى.