«عاسىر تولعاۋى» كورمەسىندە رەسپۋبليكانىڭ ءارتۇرلى قالاسىنان 100-دەن استام جۇمىس قويلادى
2022 جىلدىڭ 25 ناۋرىزىندا قازاقستان رەسپۋبليكاسى مەملەكەتتىك ورتالىق مۋزەيىندە بابالار اماناتى جوباسى اياسىندا، ۇلت ۇستازى احمەت بايتۇرسىن ۇلىنىڭ 150 جىلدىعىنا وراي ۇيىمداستىرىلعان قازاقستاننىڭ «كوركەم ەڭبەك» ءپانى مۇعالىمدەرىنىڭ قاتىسۋىمەن رەسپۋبليكالىق «عاسىر تولعاۋى» اتتى كورمەنىڭ اشىلۋى وتەدى، دەپ حابارلايدى Almaty-akshamy.kz.
بابالار اماناتى جوباسىنىڭ ماقساتى رەسپۋبليكامىزداعى بۇكىل كوركەم ەڭبەك ءپانى مۇعالىمدەرىنىڭ باسىن قوسۋ، بولاشاقتا وسكەلەڭ ۇرپاقتىڭ ءتالىم تاربيەسىمەن ءبىلىم نەگىزىن ۇشتاستىرۋ، سونداي-اق ءار قيلى جانرداعى تۋىندىلاردىڭ قىر-سىرىن تاريح تاعلىمىنا تەرەڭ بويلاتا وتىرىپ، وسى ۇستازداردىڭ ارقاسىندا كورەرمەنگە جەتكىزۋ.
شىعارماشىلىقپەن اينالىساتىن ۇزدىك 80-نەن استام ەلىمىزدىڭ تۇكپىر-تۇكپىرىنەن قاتىساتىن ۇستازداردىڭ تۋىندىلارى قويىلماق. سوناۋ ەستە جوق ەسكى زاماننان بەرى كەلە جاتقان ۇلتتىق ونەرىمىزدى وسكەلەڭ ۇرپاقتىڭ بويىنا دارىتىپ، بابالارىمىزدىڭ كيەلى ونەرىن عاسىردان عاسىرعا جەتكىزىپ، تاريح بەتتەرىندە التىن ارىپپەن جازىپ قالدىرۋ ۇستاز
بيىل «بابالار اماناتى» ۇلتتىق جوباسىنىڭ قۇرىلعانىنا ءۇش جىل تولادى. جوباعا ق ر سۋرەتشىلەر وداعى، ق ر ديزاينەرلەرىنىڭ ەۋرازيالىق وداعى، قولونەر وداعى جانە شىعارماشىلىقپەن اينالىساتىن قازاقستان رەسپۋبليكاسىنىڭ كوركەم ەڭبەك مۇعالىمدەرى كىرەدى. ولار تۇركيا، گرەسيا جانە ورتالىق ازيا ەلدەرى سياقتى حالىقارالىق كورمەلەرگە ۇنەمى قاتىسادى.
قاناعات كودەكوۆ – «بابالار اماناتى» جوباسىنىڭ جەتەكشىسى، كۋراتورى، «ۇزدىك پەداگوگ-2021» جەڭىمپازى، ق ر سۋرەتشىلەر وداعىنىڭ مۇشەسى، «بابالار اماناتى» حالىقارالىق جانە رەسپۋبليكالىق كوركەم ەڭبەكتەر مەن كاسىبي سۋرەتشىلەر جيناعىنىڭ اۆتورى. «بابالار اماناتى» - قازاقستان رەسپۋبليكاسىنىڭ حالىقارالىق كاسىبي سۋرەتشىلەرى مەن تالانتتى كوركەم ەڭبەك مۇعالىمدەرىنىڭ ۇزدىك شىعارمالارىنىڭ جيناعى. سونداي - اق ءال-فارابيدىڭ 1150 جىلدىعىنا، اباي قۇنانباي ۇلىنىڭ 175 جىلدىعىنا، مۇقاعالي ماقاتايەۆتىڭ 90 جىلدىعىنا، ق ر تاۋەلسىزدىگىنىڭ 30 جىلدىعىنا جانە ت. ب. ارنالعان شىعارمالار جيناقتارى جارىق كوردى.
كوركەم ەڭبەك پاندەرىن وقىتاتىن رەسپۋبليكانىڭ بارلىق وڭىرلەرىنەن كەلگەن 800-دەن استام ۇستاز، شىعارماشىل پەداگوگ «بابالار اماناتى» جوباسىندا رەسپۋبليكالىق جانە حالىقارالىق دەڭگەيدە پەداگوگيكالىق ونەردى ناسيحاتتاۋ ماقساتىندا بىرىكتى. جوبا مۇشەلەرى ەلىمىزدە ءوتىپ جاتقان مادەنيەت كۇندەرىنە بەلسەندى قاتىسىپ، كورمەلەر وتكىزەدى.
قازىرگى ۋاقىتتا ەلىمىزدىڭ پەداگوگيكالىق قوعامداستىعى وسكەلەڭ ۇرپاقتى ۇلتتىق بەينەلەۋ ونەرىنىڭ قۇپيالارى مەن قىر-سىرىنا ۇيرەتۋ ءۇشىن تىنىمسىز ەڭبەك ەتۋدە، ونەر ارقىلى ولاردى قازىرگى زامانعى كوركەمدىك باعىتتارمەن تانىستىرادى، ەستەتيكالىق تاربيەنى، سۇلۋلىقتى دۇرىس ءتۇسىنۋدى قالىپتاستىرادى. قازاقستاننىڭ ۇلتتىق ونەرىن ناسيحاتتاۋ بويىنشا جۇمىس جۇرگىزۋدە.
«عاسىر تولعاۋى» كورمەسىندە رەسپۋبليكانىڭ ءارتۇرلى قالالارىنان (قاراعاندى، اتىراۋ، اقتاۋ، شىمكەنت، ماڭعىستاۋ، پاۆلودار، سەمەي، وسكەمەن، اقتوبە، تالدىقورعان، قىزىلوردا، تاراز) قازاق حالقىنىڭ ۇلتتىق مادەنيەتىن، تاريحىن، ءسالت-داستۇرىن، قازاقستان تابيعاتىنىڭ سۇلۋلىعىن بەينەلەيتىن پەداگوگتاردىڭ 100-دەن استام جۇمىستارى ۇسىنىلعان.
كورمە 2022 جىلدىڭ 7 ساۋىرىنە دەيىن جالعاسادى.