Tanda Enbek پلاتفورماسىندا «IteachMe» قوعامدىق قورىمەن بىرلەسىپ «ەڭبەك رەسۋرستارىن دامىتۋ ورتالىعى» اق ۇيىمداستىرعان مۇگەدەكتىگى بار ادامدارعا ارنالعان بوس جۇمىس ورىندارىنىڭ رەسپۋبليكالىق ونلاين-جارمەڭكەسى باستالدى، دەپ حابارلايدى aqshamnews.kz.
جارمەڭكەگە قاتىسۋعا ءتۇرلى وڭىرلەردەن 64 جۇمىس بەرۋشى ءوتىنىم بەردى، ولار پورتالدا 498 بوس جۇمىس ورنىن، ءوز كاسىپورىندارى تۋرالى اقپاراتتى، سونداي-اق كانديداتتاردى ىزدەيتىن ماماندىقتاردى ورنالاستىردى.
ونلاين-بوس جۇمىس ورىندار جارمەڭكەسى بارىسىندا وزدەرىنە جۇمىسكەرلەر تابۋعا شەشىم قابىلداعان جۇمىس بەرۋشىلەردىڭ اراسىندا «ءۇلبى مەتاللۋرگيا زاۋىتى» اق (مەتاللۋرگيا)، «بولات نۇرجانوۆ اتىنداعى ەكىباستۇز گرەس-1» ج ش س (ەلەكتر ەنەرگياسىن ءوندىرۋ)، «قازاقستان حالىق بانكى» اق الماتى قالالىق فيليالى (قارجى-بانك قىزمەتى)، «ەيكوس» ج ش س (اۆتوموبيل شينالارىن، ديسكىلەردى جانە ىلەسپە اكسەسسۋارلاردى ساتۋ) جانە تاعى باسقالار.
ونلاين جارمەڭكە 18 قازان كۇنى ساعات 20.00-گە دەيىن جالعاسادى. وعان قاتىسۋ ءۇشىن ءوتىنىش بەرۋشىلەر جارمەڭكە بەتىنە https://tanda.enbek.kz/ru/fairs/74 سىلتەمە ارقىلى كىرىپ، تىركەۋدەن ءوتىپ، جەكە كابينەتتە وزەكتى تۇيىندەمە دايىنداۋ قاجەت.
«بوس ورىندار جارمەڭكەسىنىڭ بۇل فورماتى ەكى جاققا دا وتە ىڭعايلى. جۇمىس ىزدەۋشىلەر قول جەتىمدى بوس جۇمىس ورىندارىن تەز كورە الادى، تۇيىندەمەلەرىن الەۋەتتى جۇمىس بەرۋشىلەرگە جىبەرە الادى، بىردەن بىرنەشە ۇيىمدارداعى جۇمىس جاعدايلارىن باعالاي الادى، HR-مەنەدجەرلەرمەن سويلەسە الادى، بەلگىلى ءبىر لاۋازىمعا قاجەتتى بىلىكتىلىك داعدىلارىن انىقتاي الادى جانە سۇحباتتاسۋعا شاقىرۋلار الا الادى. جۇمىس بەرۋشىلەرگە ونلاين-جارمەڭكەگە قاتىسۋ سونىمەن قاتار بىرنەشە ۇمىتكەردىڭ كانديداتۋرالارىن قاراۋعا، ءوزىن جانە قاجەتتىلىكتەرىن جاريالاۋعا، ءوز قىزمەتىنىڭ ماڭىزدى اسپەكتىلەرىن تۇسىندىرۋگە جانە ەڭ قولايلى ۇمىتكەرلەردىڭ جەكە بازاسىن قۇرۋعا مۇمكىندىك بەرەدى»، – دەپ ءبولىستى ەردو پرەزيدەنتى داۋلەت ارعىندىقوۆ.
ەستەرىڭىزگە سالا كەتەيىك، Tanda Enbek پلاتفورماسى ىسكە قوسىلعان ساتتەن باستاپ بارلىعى 54 ونلاين-بوس ورىندار جارمەڭكەسى وتكىزىلدى.