الماتىدا ينكليۋزيانى جاقسارتۋ ءۇشىن پسيحولوگتار مەن دەفەكتولوگتاردى دايارلاۋ باعدارلاماسى ەنگىزىلەدى
الماتى اكىمى ەربولات دوسايەۆ تۇركسىب اۋدانىنىڭ تۇرعىندارىمەن كەزدەسۋ بارىسىندا ءبىلىم بەرۋ مەكەمەلەرىندە ينكليۋزيانى قامتاماسىز ەتۋ ماسەلەسىنە قاتىستى سۇراقتارعا جاۋاپ بەردى.
تۇرعىندار قالا اكىمىنە №61 مەكتەپتە بىلىكتى پسيحولوگتاردىڭ جەتىسپەۋشىلىگىنە نازار اۋداردى.
قالا باسشىسىنىڭ ايتۋىنشا، الماتىدا شامامەن 200 پسيحولوگ مامانعا سۇرانىس بار.
بۇل ماسەلەنى شەشۋ ءۇشىن پسيحولوگتار، دەفەكتولوگتار جانە لوگوپەدتەردى دايارلاۋ باعدارلاماسى باستالدى. وسى ماقساتتا زاماناۋي تاجىريبەلەردى زەرتتەۋ بويىنشا ءارتۇرلى ينستيتۋتتارمەن ىنتىماقتاستىق ماسەلەلەرى تالقىلانۋدا. باعدارلامانىڭ ماقساتى - جاڭا سىن-قاتەرلەردى ەسكەرە وتىرىپ، پسيحولوگتاردىڭ نەگىزگى ءبىلىمىن جاڭا تالاپتارعا سايكەس كوتەرۋ.
«ءبىز ەڭبەكاقى تولەۋدىڭ جەكە جۇيەسىن ەنگىزۋدى جوسپارلاپ وتىرمىز، سونداي-اق بالالارمەن جۇمىس ىستەۋگە جاستاردى تارتۋىمىز كەرەك. باعدارلامادا ينكليۋزياعا ەرەكشە كوڭىل بولىنەدى، بۇل ماسەلەنى تەرەڭىرەك تۇسىنۋگە جانە بولاشاقتا ولاردى شەشۋ بويىنشا جۇمىستاردى ۇيىمداستىرۋعا كومەكتەسەدى. بيىل ءبىز دايىندىق جۇمىستارىن اياقتايمىز، ال كەلەسى جىلى №61 مەكتەپ پيلوتتىق جوبا بولادى، وندا بالالار اراسىنداعى قارىم-قاتىناستاردى وزگەرتۋ مەن بۋللينگپەن كۇرەسۋدىڭ ادىستەرىن كورسەتەمىز»، - دەدى ەربولات دوسايەۆ.