22 ماۋسىمدا سەنات «جول قوزعالىسى تۋرالى» ق ر زاڭىنىڭ جاڭا رەداكسياسىن ماقۇلداعان ەدى.
ال 29 ماۋسىمدا پرەزيدەنت ءتيىستى زاڭعا قول قويدى. قۇجات العاش رەسمي جاريالانعاننان 60 كۇن وتكەن سوڭ، ياعني 30 تامىزدا كۇشىنە ەنەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ەندى كەلەر ايدىڭ سوڭىنان باستاپ ەلەكتر ساموكاتتاردىڭ قوزعالىسىنا قاتىستى قولدانىلۋى مۇمكىن شارالارعا توقتالساق.
زاڭدا كورسەتىلگەندەي، ەڭ جوعارى جىلدامدىعى ساعاتىنا 25 كيلومەتردەن اسپايتىن كولىك قۇرالى «ەلەكتر ساموكات» دەپ تانىلادى. ولاردىڭ قوزعالىسى ءۇشىن دە ءتيىستى ورىندار ايقىندالادى. سونداي-اق ولاردىڭ جۇرگىزۋشىلەرىنە ءتيىستى شەكتەۋلەر قويىلادى.
شارتتار مەن ەرەجەلەردى ساقتاي وتىرىپ:
- ەلەكتر ساموكاتتاردىڭ جولدىڭ ءجۇرىس بولىگىنىڭ وڭ جاق شەتىمەن قوزعالۋىنا رۇقسات ەتىلەدى؛
- جۇرگىزۋشى 18 جاسقا تولعان بولۋى ءتيىس؛
- كولىك قۇرالىن باسقارۋعا قۇقىق بەرەتىن كەز كەلگەن ساناتتاعى جۇرگىزۋشى كۋالىگى بولۋى شارت؛
- شلەم كيۋ مىندەتتى.
- قاراڭعى ۋاقىتتا قوزعالۋ كەزىندە باسقا كولىك قۇرالدارىنىڭ جۇرگىزۋشىلەرىنە كورىنۋى ءۇشىن جارىق تۇسىرەتىن بەلگىلەر ورناتىلۋى قاجەت.
- تروتۋار نەمەسە جاياۋ جۇرگىنشىلەر جولىمەن ساعاتىنا 6 كيلومەتردەن اسپايتىن جىلدامدىقپەن ءجۇرۋ شارت؛
ەرەجەنى بۇزعان ەلەكتر ساموكات جۇرگىزۋشىلەرىنە اكىمشىلىك قۇقىق بۇزۋشىلىق كودەكسىنە جانە جول قوزاعالىسى ەرەجەلەرىنە ساي جازا قولدانىلادى. ياعني، تالاپتاردى ەلەمەگەندەردىڭ ساموكاتى ايىپ تۇراعىنا دا قويىلۋى مۇمكىن.
بۇدان بولەك، باسقا قۇزىرەتتى ورگاندا تىركەلگەن كولىك قۇرالدارىنىڭ «جول قوزعالىسى تۋرالى» زاڭدا كوزدەلگەن تالاپتارعا سايكەستىگىن تەكسەرۋ ءۇشىن ىشكى ىستەر ورگاندارى قىزمەتكەرلەرىنىڭ كولىك قۇرالدارىن توقتاتۋىنىڭ نەگىزدەرىن بەلگىلەيتىن تۇزەتۋلەر ەنگىزىلدى.
كولىك قۇرالدارىن مەملەكەتتىك تىركەۋ تۋرالى كۋالىكتەردى، جۇرگىزۋشى كۋالىكتەرىن جانە مەملەكەتتىك تىركەۋ نومىرلىك بەلگىلەرىن دايىنداۋ سالاسىندا مەملەكەتتىك مونوپوليا ەنگىزىلمەك. بۇل قىزمەت تۇرلەرىن جۇزەگە اسىرۋ قۇقىعى ق ر ءىىم جانىنداعى شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا بەرىلەدى.