تامىزدا قازاقستاندىقتار كونستيتۋسيا كۇنىنە بايلانىستى قوسىمشا ءبىر كۇن دەمالادى

كونستيتۋسيا كۇنى – قازاقستانداعى نەگىزگى مەملەكەتتىك مەرەكەلەردىڭ ءبىرى.

 بۇل كۇنى ەلىمىز 1995 جىلى مەملەكەتتىڭ قۇقىقتىق جانە ساياسي نەگىزدەرىن انىقتايتىن نەگىزگى زاڭنىڭ قابىلدانۋىن اتاپ وتەدى، دەپ حابارلايدى aqshamnews.kz Almaty.tv-عا سىلتەمە جاساپ. 

بەس كۇندىك جۇمىس اپتاسى ءۇشىن

اپتاسىنا بەس كۇن جۇمىس ىستەيتىندەر ءۇشىن كونستيتۋسيا كۇنى قوسىمشا ءبىر كۇن دەمالۋعا مۇمكىندىك بولادى. 30 تامىز جۇماعا سايكەس كەلىپ، دەمالىس 1 قىركۇيەك، جەكسەنبىگە دەيىن سوزىلادى. جالپى، تامىزدا اپتاسىنا بەس كۇن جۇمىس ىستەيتىندەر 10 كۇن دەمالادى.

التى كۇندىك جۇمىس اپتاسى ءۇشىن

اپتاسىنا التى كۇن جۇمىس ىستەيتىندەر دە 30 تامىز - جۇمادا دەمالادى. بۇل رەتتە سەنبى، 31 تامىز جۇمىس كۇنى، ال جەكسەنبى، 1 قىركۇيەك قايتادان دەمالىس كۇنى بولادى. وسىلايشا التى كۇندىك جۇمىس اپتاسىندا جۇمىس ىستەيتىن قازاقستاندىقتار تامىزدا نەبارى 5 كۇن دەمالادى.

تامىزداعى مەرەكەلەر

قازاقستاندا تامىزدا كونستيتۋسيا كۇنىنەن باسقا ءبىرقاتار اتاۋلى داتالار اتاپ وتىلەدى:

4 تامىز – (تامىزدىڭ ءبىرىنشى جەكسەنبىسى) – كولىك قىزمەتكەرلەرى كۇنى؛

10 تامىز – اباي كۇنى؛

11 تامىز – (تامىزدىڭ ەكىنشى جەكسەنبىسى) – قۇرىلىسشىلار كۇنى؛

18 تامىز – شەكاراشىلار كۇنى؛

25 تامىز – (تامىزدىڭ سوڭعى جەكسەنبىسى) – شاحتەرلەر كۇنى؛

29 تامىز – سەمەي يادرولىق سىناق پوليگونىنىڭ جابىلۋ كۇنى.