ساپاسىز جانە ءقاۋىپتى ءونىمدى انىقتاۋ ماقساتىندا مينيسترلىكتە 2023 جىلدىڭ ءساۋىر ايىنان باستاپ احۋالدىق (سيتۋاسيالىق) شتاب جۇمىس ىستەيدى.
بارلىق وڭىرلەردە تۇتىنۋشىلاردىڭ قۇقىقتارىن قورعاۋ جونىندەگى قوعامدىق ۇيىمدار ۇلتتىق ساراپتاما ورتالىعىنىڭ وكىلدەرىمەن بىرلەسىپ يمپورتتىق ءسۇت ونىمدەرىن، قۇس ەتى، شۇجىق ونىمدەرىن، ىرىمشىكتى، سارى ماي مەن كۇنباعىس مايىن ىرىكتەپ، ساراپتاماعا ۇسىندى، دەپ حابارلايدى اlmaty-akshamy.kz.
بىرلەسكەن جۇمىس ناتيجەلەرى بويىنشا ءونىمنىڭ 200-دەن استام ءتۇرى (ءسۇت، كىلەگەي، ايران، سارى ماي، كۇنباعىس مايى، سۇزبە، ىرىمشىك، قۇس ەتى، بالىق ەتى، شۇجىق ونىمدەرى) زەرتتەلدى.
ونىڭ ىشىندە 40 ءتۇرى بويىنشا تاماق ونىمدەرىنىڭ قاۋىپسىزدىگى تۋرالى نورماتيۆتەردىڭ بۇزىلۋى انىقتالدى. اتاپ ايتقاندا، ءبىز ءونىمنىڭ مالىمدەلگەن سيپاتتامالارى مەن قۇرامىنىڭ سانيتارلىق – ەپيدەميولوگيالىق تالاپتارعا، سونداي-اق تاڭبالاۋ تالاپتارىنا سايكەس كەلمەۋى (مەملەكەتتىك تىلدە اقپاراتتىڭ بولماۋى، ماي - قىشقىل قۇرامىنىڭ سايكەس كەلمەۋى، باكتەريالاردىڭ تابىلۋى) سياقتى بۇزۋشىلىقتار تۋرالى ايتىپ وتىرمىز.
ناتيجەسىندە، تاماق ونىمدەرىنىڭ سايكەستىگى تۋرالى 83 دەكلاراسيانىڭ كۇشى جويىلدى.
وسى رەتتە، اعىمداعى جىلى تۇتىنۋشىلاردىڭ قۇقىقتارىن قورعاۋ جونىندەگى مەملەكەتتىك ورگاندارمەن جانە قوعامدىق ۇيىمدارمەن تىعىز ءوزارا ءىس-قيمىلدا ساپاسىز جانە ءقاۋىپتى ءونىمدى انىقتاۋدىڭ تيىمدىلىگىن ارتتىرۋ جونىندە شارالار قابىلداي وتىرىپ، احۋالدىق شتابتىڭ جۇمىسىن كۇشەيتۋدى قاجەت ەتەدى.
ءوز كەزەگىندە، وتكەن جىلدىڭ سوڭىندا ىشكى نارىقتىڭ جانە وتاندىق وندىرۋشىلەردىڭ، تۇتىنۋشىلاردىڭ، قۇقىقتارىن قورعاۋعا باعىتتالعان "ساپالى ءونىم" الەۋمەتتىك جوباسىن ىسكە اسىرۋ جونىندەگى جول كارتاسى بەكىتىلدى.
"ساپالى ءونىم" جوباسىن ىسكە اسىرۋ تۇتىنۋشىلاردىڭ قۇقىقتارىن قورعاۋ جونىندەگى قوعامدىق ۇيىمداردىڭ قوعامدىق باقىلاۋ قۇرالى ارقىلى جۇزەگە اسىرىلاتىن بولادى.
جول كارتاسىمەن كەلەسى جۇمىستاردى جۇرگىزۋ كوزدەلەدى:
- ساپالى وتاندىق ءيميدجدى قالىپتاستىرۋ جانە تانۋ ماقساتىندا "ساپالى ءونىم" حالىقتىق ساپا بەلگىسىن بەكىتۋ.
- بۇقارالىق اقپارات قۇرالدارىندا ۇلتتىق جوبانىڭ ناتيجەلەرى مەن ىسكە اسىرىلۋ بارىسى تۋرالى حالىقتى كەڭىنەن حاباردار ەتۋ.
ناتيجەسىندە بۇل جوبا تانىمال جانە بارلىق جەردە تۇتىنىلاتىن وتاندىق برەندكە اينالۋى كەرەك.
سونىمەن قاتار، 2024 جىلعا جالپى سوماسى 200،0 ملن.تەڭگەگە تەحنيكالىق ەرەكشەلىكتەر ازىرلەندى، مەملەكەتتىك الەۋمەتتىك تاپسىرىستى ىسكە اسىرۋ بارىسىندا بۇقارالىق-اقپارات قۇرالدارى ارقىلى ءونىمنىڭ ساپاسى مەن قاۋىپسىزدىگىنە جۇرگىزىلگەن ساراپتاما جۇمىستارىنىڭ ناتيجەلەرى تۋرالى حالىقتى حاباردار ەتۋ كوزدەلەدى.
مەملەكەتتىك الەۋمەتتىك تاپسىرىستى ىسكە اسىرۋ قازاقستاننىڭ بارلىق 20 وڭىرىندە جۇزەگە اسىرىلاتىن بولادى. كونكۋرستى وتكىزۋ اعىمداعى جىلدىڭ 1-توقسانىنا جوسپارلانعان.
تۇتىنۋشىلاردىڭ قۇقىقتارىن قورعاۋ بويىنشا ۇكىمەتتىك ەمەس سەكتوردى تارتۋ بويىنشا وسىنداي جۇمىس ولارعا مەملەكەتتىك گرانتتار بەرۋ باعىتى بويىنشا جۇرگىزىلەتىن بولادى.
مادەنيەت جانە اقپارات مينيسترلىگىنىڭ ۇكىمەتتىك ەمەس ۇيىمدارىمەن ءوزارا ءىس-قيمىل جونىندەگى ۇيلەستىرۋ كەڭەسى كوميتەتتىڭ 197،5 ملن.تەڭگە سوماسىنا ءوتىنىمىن قارادى.
وتىرىس قورىتىندىسى بويىنشا 2024 جىلعا ارنالعان تۇتىنۋشىلاردى قورعاۋ بويىنشا مەملەكەتتىك گرانتتاردىڭ كەلەسى باعىتتارى ءبىراۋىزدان ماقۇلداندى:
- كەڭەس بەرۋدى جانە سوتقا دەيىنگى رەتتەۋدى كوزدەيتىن تۇتىنۋشىلاردىڭ قۇقىقتارىن قورعاۋ؛
- قوعامدىق باقىلاۋ جۇرگىزۋ كەزىندە تاۋارلاردىڭ ساپاسى مەن قاۋىپسىزدىگىنە ساراپتاما ساتىپ الۋ جانە جۇرگىزۋ.