ۇيىم ءوزىن «اۋعانستان يسلام ەميراتى»،دەپ اتاي باستادى.
«تاليبان» اۋعانستانداعى جاڭا ۇكىمەتتىڭ قۇرامىن جاريالادى، دەپ حابارلايدى Almaty-akshamy.kz قازاقپاراتقا cىلتەمە جاساپ.
«اۋعانستان يسلام ەميراتىنىڭ» پرەمەرى مىندەتىن اتقارۋشى قىزمەتىنە موللا موحامماد حاسان احۋند تاعايىندالدى. ۇيىم ءوزىن وسىلاي اتاي باستادى. ول تالىپتەردىڭ «شۋرا» جوعارعى كەڭەسىنىڭ جەتەكشىسى بولعان. موحامماد قانداعاردا دۇنيەگە كەلگەن. اتالمىش اسكەري ۇيىم دا سول قالادا ۇيىمداستىرىلعان.
پرەمەر-مينيستردىڭ ورىنباسارى ابدۋل گاني بارادار بولدى. ول توپتىڭ ۇيىمداستىرۋشىسىنىڭ ءبىرى، قۋعىندا جۇرگەندە قاتاردا تاليبان ۇكىمەتىن باسقارعان. ەكىنشى ورىنباسار - موللا ابدۋل سالام حانافي. ول دوحادا وتكەن كەلىسسوزدەردە تالىپتەر دەلەگاسياسىنىڭ ەكىنشى تۇلعاسى بولدى.
موللا ابدۋل حاك ۆاسيك بارلاۋ مينيسترلىگىن باسقارادى. ول بۇعان دەيىن تالىپتەردىڭ ساياسي باسقارماسىندا ەۋروپا بولىمىنە جەتەكشىلىك ەتكەن.
اۋعانستاننىڭ سىرتقى ىستەر مينيسترلىگىن قوزعالىس كوسەمدەرىنىڭ ءبىرى موللا امير حان موتتاكي باسقارادى.
ءىىم باسشىسى بولىپ قوزعالىس كوسەمدەرىنىڭ ءبىرى سيرادجۋددين حاككانيدىڭ ۇلى تاعايىندالدى. ول ۇيىمنىڭ ەڭ راديكالدى قاناتى «حاككاني جەلىسىنە» جەتەكشىلىك ەتكەن.
اۋعانستاننىڭ قورعانىس ءمينيسترى «تاليباندى» قۇرۋشىنىڭ ءبىرى موللا موحامماد ياكۋبتىڭ بالاسى بولدى.
قارجى ءمينيسترى بولىپ موللا ەيادۋللا بادري تاعايىندالدى. ەكونوميكا مينيسترلىگىن موحامماد حانيف باسقارادى. ورتالىق بانكتىڭ باسشىسى - موللا موحامماد يدريس.
ءبىلىم ءمينيسترى - شەيح ماۆلاۆي نۋرۋللا مۋنير. شەكارا جانە تايپالار ءمينيسترى— نۋرۋللا نۋري. تابيعي رەسۋرستار ءمينيسترى— موللا موحاممەد يسا احۋند. سۋ جانە ەلەكترمەن جابدىقتاۋ ءىس بويىنشا مينيستر— موللا ابدۋل لاتيف مانسۋر. اۋىلشارۋاشىلىعى ءمينيسترى— موللا ابدۋل مانان وماري.
مادەنيەت جانە اقپارات مينيسترلىگىنە زابيحۋللا مۋدجاحيد جەتەكشىلىك ەتەدى، ول تالىپتەردىڭ رەسمي وكىلى بولعان.