«تاليباننىڭ» جوعارعى باسشىسىنىڭ نۇسقاۋىن بۇزعاندار شاريعات زاڭدارى بويىنشا سوتتالادى
اۋعانستان اۋماعىنداعى ەسىرتكى وندىرەتىن بارلىق كاسىپورىنداردىڭ جۇمىسىنا توسقاۋىل قويىلدى. ەرەجەنى بۇزعاندار شاريعات زاڭدارى اياسىندا جاۋاپقا تارتىلادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
تاسس اگەنتتىگىنىڭ مالىمەتىنشە، اۋعانستاندا بيلىككە كەلگەن «تاليبان» ۇيىمى (قازاقستاندا تىيىم سالىنعان – رەد.) ەلدىڭ بارلىق اۋماعىندا كوكنار وسىرۋگە تىيىم سالدى. مۇنداي وكىمدى قوزعالىستىڭ جوعارعى جەتەكشىسى حايباتۋللا احۋندزادا شىعاردى.
تالىپتەر كوشباسشىسىنىڭ بۇيرىعىندا بۇدان بىلاي بارلىق اۋعاندىققا كوكنار وسىرۋگە قاتاڭ تىيىم سالىنعانى تۋرالى حابارلانعانى ايتىلعان.
«تاليباننىڭ» جوعارعى باسشىسىنىڭ نۇسقاۋىن بۇزعاندار شاريعات زاڭدارى بويىنشا سوتتالادى ەكەن، ال تابىلعان تىيىم سالىنعان ءونىمنىڭ بارلىعى دەرەۋ جويىلادى.
سونىمەن قاتار، بۇدان بىلاي اۋعانستان ەلىندە ەسىرتكىنىڭ بارلىق تۇرلەرىن، سونداي-اق قۇرامىندا ەسىرتكىسى بار تابلەتكالار مەن الكوگولدى زاتتاردى پايدالانۋعا، تاسىمالداۋعا، ساتۋعا، ەكسپورتتاۋعا جانە يمپورتتاۋعا جول بەرىلمەيدى.