قازىرگى ۋاقىتتا رەسپۋبليكالىق ماڭىزى بار جولداردىڭ بارلىق ۋچاسكەلەرى قالپىنا كەلتىرىلدى
قازىرگى ۋاقىتتا 99 تۇرعىن ءۇيدى سۋ الۋ فاكتىسى تىركەلدى. بۇعان دەيىن ساعات 13.00-دەگى جاعداي بويىنشا، بقو-نىڭ 172 ءۇيى سۋ استىندا قالعانى تۋرالى اقپارات بەرىلگەن بولاتىن، كوميسسيالىق تەكسەرۋلەردەن كەيىن 99 ءۇي سۋ استىندا قالعانى انىقتالىپ، ناقتىلاندى، دەپ حابارلايدى Almaty-akshamy.kz.
ق ر تجم باسپا ءسوز قىزمەتىنىڭ مالىمەتىنشە، اقمولا جانە قاراعاندى وبلىستارىنداعى جەرگىلىكتى ماڭىزى بار اۆتوجولداردىڭ ەكى ۋچاسكەسىندە سۋ تاسقىنى بولدى. بقو-داعى جانىبەك اۋدانى جاقسىباي ەلدىمەكەنىن سۋ باسۋ سالدارىنان 108 باس مال قىرىلدى.
"سۋ تاسقىنى كەزەڭى باستالعاننان بەرى سەگىز ەلدىمەكەندە 184 تۇرعىن جانە 15 ساياجاي ۇيلەرى، ەكى الەۋمەتتىك نىسان قىزىل سۋدىڭ استىندا قالدى. پاۆلودار جانە اقتوبە وبلىستارىنداعى 43 ۇيدەن سۋ بۇرىلدى. 841 ادام الدىن الا ەۆاكۋاسيالاندى، ونىڭ ىشىندە 430-ى ۋاقىتشا ەۆاكۋاسيالاۋ پۋنكتتەرىندە، 411ء-ى تۋىسقاندارىنا ورنالاستىرىلدى. سۋ باسقان 141 تۇرعىن جانە 15 ساياجاي ۇيلەرى باقىلاۋدا"،-دەلىنگەن حابارلامادا.
قۇزىرلى ۆەدومستۆو مالىمەتىنشە، تاس جولداردا بارلىعى 24 سۋ تاسقىنى تىركەلدى، ونىڭ ىشىندە رەسپۋبليكالىق ماڭىزى بارى – تورتەۋ، وبلىستىق - ەكەۋ، جەرگىلىكتى – 18، ونىڭ ىشىندە تاس جولدىڭ 14 ۋچاسكەسى شايىلدى: رەسپۋبليكالىق – بىرەۋ، جەرگىلىكتى – 13.
«قازىرگى ۋاقىتتا رەسپۋبليكالىق ماڭىزى بار جولداردىڭ بارلىق ۋچاسكەلەرى قالپىنا كەلتىرىلدى، وبلىستىق جانە جەرگىلىكتى ماڭىزى بار 14 ۋچاسكەدە سۋ تاسقىنى ساقتالادى. وڭىرلەر اۋماعىندا سۋ تاسقىنىنان تۋىنداعان تج تاۋەكەلدەرىن تومەندەتۋ ماقساتىندا جاو جانە تجم كۇشتەرىمەن 719،65 مىڭ تەكشە مەتر قار سۋىن سورۋ، ينەرتتى ماتەريالدارى بار 24 191 قاپ توسەۋ، سونداي-اق 250 شارشى مەتر الاڭدا وزەندەردە مۇز كەسۋ جۇمىستارى جۇرگىزىلدى. سۋ تاسقىنىنا قارسى جۇمىستارعا تجم، ءىىم جانە جاو-نىڭ 944 ادامى، 360 تەحنيكاسى، 40 سۋ سورعىش قۇرالى جانە ءتجم-نىڭ سەگىز ءجۇزۋ قۇرالى جۇمىلدىرىلدى»،-دەلىنگەن حابارلامادا.
ۆەدومستۆو مالىمەتىنشە، 2 ساۋىردە بقو-دا سۋ تاسقىنى جاعدايىنىڭ كۇردەلەنۋىنە بايلانىستى ماڭعىستاۋ وبلىسىنان تجم قۇتقارۋ بولىمشەلەرىنىڭ توبى جىبەرىلدى، جەكە قۇرامنان 43 ادام، ءتورت تەحنيكا، ەكى ءجۇزۋ قۇرالى جانە التى موتوپومپا بەرىلدى، ولار وبلىستىڭ تاسقالا جانە سىرىم اۋداندارىندا جۇمىلدىرىلدى.
بقو-نىڭ جانىبەك اۋدانىنا شۇعىل شارالار قابىلداۋ ءۇشىن اتىراۋ وبلىسىنىڭ توتەنشە جاعدايلار دەپارتامەنتى مي-8 تىكۇشاعىمەن قۇتقارۋشى توپ اتتاندى.
«قازگيدرومەت» رمك دەرەكتەرى بويىنشا الداعى تاۋلىكتەردە اقمولا، اقتوبە، شقو، بقو، قاراعاندى، قوستاناي، پاۆلودار، سقو جانە نۇر-سۇلتان قالالارىندا جاڭبىر مەن قار تۇرىندەگى ازداعان جاۋىن-شاشىن تۇسەدى دەپ كۇتىلەدى.
عارىشتىق مونيتورينگ دەرەكتەرى بويىنشا، قار جابىندىسى بار الاڭ - 40%-دان از، قار قورىنىڭ باسىم بولىگى ەلىمىزدىڭ ورتالىق جانە سولتۇستىك وڭىرلەرىندە بايقالادى.