تالىبتەر اۋعان ايەلدەرىنەن جابىق كيىنۋدى تالاپ ەتۋدە

نازىك جاندار بۇعان دەيىن حيدجاب نەمەسە باسىنا ورامال تارتىپ قانا جۇرگەن.

اۋعانستاندا ايەل ادامنىڭ بۇكىل دەنەسىن جاۋىپ، كوز تۇسىندا سىعالاپ كورۋگە بولاتىن تەسىكتەرى بار كيىمدى ساتاتىن ساۋداگەرلەر ساۋداسى قىزىپ تۇر، دەپ حابارلايدى Almaty-akshamy.kz Baq.kz-كە سىلتەمە جاساپ.
Reuters مالىمەتىنشە، «تاليباندى» جاقتايتىن جەرگىلىكتى تۇرعىندار ەلدە ۇرلىق تىيىلىپ، تولىق قاۋىپسىزدىك ورناعانىن ايتۋدا. نازىك جاندار بۇعان دەيىن حيدجاب نەمەسە باسىنا ورامال تارتىپ قانا جۇرگەنىن، ەندى تالىپتەر تۇمشالاپ ءجۇرۋدى تالاپ ەتكەنىن العا تارتادى.

«تاليبان» بيلىكتى قولىنا العان كۇننىڭ ەرتەسىنە ءبىز دۇكەندەرىمىزگە بۋركانى كوپتەپ اكەلە باستادىق. ءبىر كۇننىڭ ىشىندە وسىنداي 60 كيىم بىردەن ساتىلىپ كەتتى. بۇل بۋركالار ءوزىمىزدىڭ اۋعانستاندا جاسالادى. نەگىزى تالىپتەر مىندەتتى تۇردە جابىنىپ جۇرىڭدەر دەپ ايتپادى، ايەلدەردىڭ وزدەرى قورقىپ، جاپپاي تۇمشالانا باستادى، - بۋركا ونلاين-دۇكەنىنىڭ يەسى يسماتۋللا ازيزي.

ايتا كەتەيىك، تاليبان ۇيىمىنا قازاقستانداعى جوعارعى سوتتىڭ 2005 جىلعى 15 ناۋرىزداعى شەشىمىمەن تىيىم سالىنعان.