قازاقستانداعى كۋرورتتار ميللياردتاعان تەڭگە تابىس تاپتى

ەڭ كوپ تابىسقا كەنەلگەن ايماق – الماتى تاۋ كۋرورتتىق ايماعى.

2021 جىلدىڭ جارتى جىلىندا قازاقستاندىق كۋرورتتار 22،2 ملرد تەڭگە تابىس تاپتى، دەپ حابارلايدى Almaty-akshamy.kz Baq.kz-كە سىلتەمە جاساپ.

كۋرورتتىق ايماقتاردىڭ تابىسى 74،8%-عا (12،7 ملرد تەڭگەدەن) ءوستى. سونداي-اق قىزمەت كورسەتىلگەن قوناقتار سانى 593،8 مىڭ ادامنان 969،9 مىڭ ادامعا دەيىن ءوستى (ءوسىم 63،3%-دى قۇرادى).
ءبىرىنشى جارتىجىلدىقتا الماتى تاۋ كۋرورتتىق ايماعى جۇمىس ىستەي باستادى، ەڭ كوپ تابىسقا كەنەلگەن دە وسى كۋرورت. ءوزىنىڭ قوناقجايلىلىعىنىڭ ارقاسىندا قوناق ۇيلەر مەن دەمالىس بازالارىنا 12،3 ملرد تەڭگە تابىس ءتۇستى.
ششۋچە-بۋراباي كۋرورتتىق ايماعى – 3،8 ملرد تەڭگە، ماڭعىستاۋ كۋرورتتىق ايماعى – 3 ملرد تەڭگە، تۇركىستان كۋرورتتىق ايماعى – 944 ملن تەڭگە، الماتى كۋرورتتىق ايماعى-477،1 ملن تەڭگە پايدا تاپتى. التايداعى قازاقستاندىق كۋرورتتار 277،6 ملن تەڭگە، قارقارالى – 263،5 ملن تەڭگە، بالقاش – 244،5 ملن تەڭگە تاپتى.
وسى كەزەڭدە سارىاعاش كۋرورتتىق ايماعى 160،1 ملن تەڭگە، الاكول كۋرورتتىق ايماعى الماتى وبلىسىنىڭ اۋماعىندا 142،8 ملن تەڭگە، ال شقو – دا 140،1 ملن تەڭگە تابىس تاپتى.
باياناۋىل كۋرورتتىق ايماعى 94،8 ملن تەڭگە، بۇقتىرما – 84،3 ملن تەڭگە، يمانتاۋ-شالقار – 42 ملن تەڭگە، زەرەندى – 37 ملن تەڭگە، قوستاناي – 33،4 ملن تەڭگە پايداعا كەنەلدى.
بۇل رەتتە ۇلان كۋرورتتىق ايماعىنىڭ قوناق ۇيلەرى مەن دەمالىس بازالارى – 21،8 ملن تەڭگە، كاتونقاراعاي اۋدانىنىڭ قوناق ۇيلەرى مەن دەمالىس بازالارى - 10،6 ملن تەڭگە، بايقوڭىر تۋريستىك ايماعى – 135 مىڭ تەڭگە پايدا تاپقان.