اسپانعا وق اتقانداردى دەرەۋ تۇتقىنداپ، قارۋسىزداندىرۋ تاپسىرىلدى.
«تاليبان» راديكالدى قوزعالىسى جەرگىلىكتى اكىمشىلىكتەر مەن اسكەري قىزمەتكەرلەرگە بۇكىل اۋعانستان اۋماعىندا اۋەگە وق اتۋعا تىيىم سالۋعا نۇسقاۋ بەردى. جەكسەنبىدە ءتيىستى وكىمنىڭ ءماتىنىن قوزعالىس وكىلى زابيحۋللا مۋدجاحيد Twitter-دە جاريالادى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«اۋعانستان يسلام امىرلىگىنىڭ» (تالىپتەردىڭ ءوزىن-وزى اتاۋى) اسكەري ىستەر جونىندەگى كوميسسياسى قول قويعان نۇسقاۋلىقتا «كابۋلدا جانە ەلدىڭ باسقا دا قالالارىندا اۋەگە وق جاۋدىرۋ ادامداردىڭ ولىمىنە جانە جاراقاتتانۋىنا، سونداي-اق بەيبىت تۇرعىندار اراسىندا ۇرەي تۋدىراتىنى» ايتىلعان.
«وسىعان بايلانىستى كابۋل مەن پروۆينسيالارداعى بارلىق اسكەري شەنەۋنىكتەر، كومانديرلەر جانە باسقا دا جاۋاپتى ادامدارعا اسپانعا وق اتقانداردى دەرەۋ تۇتقىنداپ، قارۋسىزداندىرۋ تاپسىرىلدى. كابۋل مەن پروۆينسيانىڭ پوليسيا باسشىلارىنا، سونداي-اق بارلاۋ قىزمەتكەرلەرىنە قۇقىق بۇزۋشىلاردى انىقتاۋ جانە جازالاۋ ءۇشىن جەدەل جانە قاتاڭ شارالار قابىلداۋعا نۇسقاۋ بەرىلدى»، - دەلىنگەن تالىپتەردىڭ نۇسقاۋىندا.