ارميا حالىقارالىق ويىندارىنىڭ «تانك بياتلونى» كونكۋرسى اياقتالدى.
ماسكەۋ ماڭىنداعى «الابينو» پوليگونىندا ارميا حالىقارالىق ويىندارىنىڭ «تانك بياتلونى» كونكۋرسى اياقتالدى. ەل اسكەرىنىڭ نامىسىن قورعاعان كوماندا ءۇشىنشى ورىن يەلەندى، دەپ حابارلايدى Almaty-akshamy.kz ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
اقتىق جارىس اينالىمىنا ازەربايجاننىڭ، قازاقستاننىڭ، جۇڭگو مەن رەسەيدىڭ تانك ەكيپاجدارى شىقتى. قازاقستاندىق تانكيستەر بارلىق اتىس شەبىن ءدال كوزدەپ، وق اتۋدان شەبەرلىكتەرىن كورسەتتى. ءۇش اتىس شەبىنەن باسقا جاڭبىر سۋىنان لايلانعان تراسساداعى ون ءبىر كەدەرگى سايىستى قيىنداتتى. اينالىم بارىسىنا رەسەيلىك تانكيستەر بىردەن العا وزىپ شىقتى، ولاردىڭ سوڭىنان ءسال ايىرماشىلىقپەن جۇڭگو تانك ەكيپاجدارى جەتتى. جۇلدەلى ورىن ءۇشىن تارتىس قازاقستان مەن ازەربايجان اراسىندا ءوربىدى.