اۋعانستاننىڭ سىرتقى ىستەر مينيسترلىگى بۇل تۋرالى ءمالىم ەتتى. حالىقارالىق ارەنادا وقشاۋلانعان «تاليبان» ۇكىمەتى 11-22 قاراشا ارالىعىندا ءازىربايجاندا وتەتىن الەمدىك كليمات كونفەرەنسياسىنا قاتىسۋعا شاقىرىلدى، دەپ حابارلايدى aqshamnews.kz
اۋعانستاننىڭ سىرتقى ىستەر مينيسترلىگىنىڭ باسپا ءسوز حاتشىسى ابدۋل كاحار ءبالحيدىڭ مالىمەتى بويىنشا اۋعانستاننىڭ قورشاعان ورتانى قورعاۋ اگەنتتىگىنىڭ وكىلدەرى باكۋگە جەتتى. ديپلوماتتىڭ ايتۋىنشا، ءازىربايجان شىنىمەن دە اۋعانستاننىڭ قورشاعان ورتانى قورعاۋ اگەنتتىگىن باقىلاۋشى رەتىندە شاقىرىلعان، دەپ جازدى Reuters.
بۇۇ «تاليباننىڭ» راديكالدى-يسلامدىق ۇكىمەتىن رەسمي تۇردە مويىندامايتىندىقتان، ولاردىڭ بۇۇ-عا مۇشە ەلدەر اراسىنداعى تالقىلاۋلارعا قاتىسۋعا قۇقىعى جوق.
اۋعانستان كليماتتىق وزگەرىستەردىڭ ەڭ كوپ زارداپ شەككەن ەلدەرىنىڭ ءبىرى بولىپ سانالادى. بيىل جۇزدەگەن ادام سۋ تاسقىنىنان قازا تاپتى. اۋىل شارۋاشىلىعىنا تاۋەلدى ەل سوڭعى بىرنەشە ونجىلدىقتاعى ەڭ قۋاڭشىلىقتى باستان كەشىردى. ەلدىڭ كوپتەگەن وڭىرلەرىندە ازىق-تۇلىك تاپشىلىعى بايقالۋدا.
وڭ جاقتاعى سۋرەتتە — اۋعانستان قىزىل جارتى اي قوعامىنىڭ باس حاتشىسى ماتيۋل حاك حاليس، ول كونفەرەنسيادا قاتىسادى.