استانادا جۇرگىزۋشىدەن 14 ميلليون تەڭگەدەن استام قارىزى بار KIA QUORIS كولىگى تاركىلەندى، - دەپ حابارلايدى aqshamnews.kz.
شارا اياسىندا پوليسيا قىزمەتكەرلەرى وڭىرلىك جەكە سوت ورىنداۋشىلار پالاتاسىنىڭ جانە مەملەكەتتىك كىرىستەر دەپارتامەنتىنىڭ قىزمەتكەرلەرىمەن بىرلەسىپ رەيدتىك جۇمىستاردى جۇرگىزىپ جاتىر.
جپش بارىسىندا ميكروقارجى ۇيىمىنا 14 ميلليون تەڭگەدەن استام بەرەشەگى بار KIA QUORIS كولىگىنىڭ جۇرگىزۋشىسى توقتاتىلدى. اتقارۋ ءوندىرىسى اياسىندا بورىشكەردىڭ اۆتوكولىگى تاركىلەندى.
سونىمەن قاتار تۇران داڭعىلىندا جۇرگىزىلگەن رەيدتەر بارىسىندا ىزدەۋدە جۇرگەن VOLKSWAGEN TOUAREG اۆتوكولىگى توقتاتىلدى. كولىك جۇرگىزۋشىسى جەكە كاسىپكەرگە 4،5 ميلليون تەڭگەدەن استام ءىرى كولەمدە قارىز بولعان.
كولىكتەر كوممۋنالدىق تۇراققا قويىلىپ، جۇرگىزۋشىلەرگە قارىزدى تولەۋ قاجەتتىگى تۋرالى ەسكەرتىلدى.