الماتى وبلىسىنىڭ پروكۋراتۋراسى تالعار اۋدانىندا بولعان ەر ادامدى اتۋ جانە كىشكەنتاي قىزدى ۇرلاۋ وقيعاسىنان كەيىن جەرگىلىكتى پوليسيا قىزمەتكەرلەرىنىڭ ارەكەتسىزدىگىنە بايلانىستى قىلمىستىق ءىس قوزعادى، دەپ حابارلايدى Aqshamnews.kz ءتىلشىسى.
«2025 جىلعى 6 قىركۇيەكتە وبلىس پروكۋراتۋراسى تالعار اۋدانىنىڭ پوليسيا بولىمىندەگى لاۋازىمدى تۇلعالاردىڭ ارەكەتسىزدىگىنە (قك 370-بابى، 4-بولىگى) قاتىستى قىلمىستىق ءىس تىركەدى. ولار كۇدىكتىنى دەر كەزىندە قاماۋعا الۋ شارالارىن قولدانباعان. سونىڭ سالدارىنان ول قىزىل-قايرات اۋىلىندا ەر ادامدى اتىپ ءولتىرىپ، كامەلەتكە تولماعان قىزدى ۇرلاپ اكەتتى»، – دەلىنگەن وبلىستىق پروكۋراتۋرانىڭ باسپا ءسوز قىزمەتى تاراتقان اقپاراتتا.
ءىس ارنايى پروكۋرورلاردىڭ وندىرىسىنە بەرىلدى. ونىڭ تەرگەۋى وبلىس پروكۋراتۋراسىنىڭ ەرەكشە باقىلاۋىندا بولادى.
سونىمەن قاتار، ۆەدومستۆو جالعان اقپارات تاراتقانداردىڭ زاڭ الدىنداعى جاۋاپكەرشىلىگىن ەسكە سالىپ، تەك رەسمي دەرەككوزدەرگە سەنۋگە شاقىردى.
«ق ر قىلمىستىق-پروسەستىك كودەكسىنىڭ 201-بابىنا سايكەس، وزگە مالىمەتتەر جاريا ەتىلمەيدى»، – دەپ تولىقتىردى پروكۋراتۋرا.
ەسكە سالايىق، بۇعان دەيىن تالعاردا ەر ادامدى اتىپ ءولتىرىپ، ونىڭ ەكى جاسار قىزى ۇرلانعانى حابارلانعان ەدى.