الماتى قالاسى اكىمىنىڭ ورىنباسارى ولجاس سماعۇلوۆ يندۋستريالىق ايماققا بارىپ، جۇزەگە اسىپ جاتقان ينۆەستيسيالىق جوبالاردىڭ بارىسىمەن تانىستى.
«Qazaq Prom Stroy» ج ش س زاۋىتىنىڭ قۇرىلىس الاڭىندا ول جۇمىس كەستەسىنىڭ كەشەۋىلدەگەنىن ايتىپ، قۇرىلىس-مونتاج جۇمىستارىن جەدەلدەتۋدى تاپسىردى. سونداي-اق، «TMT Group» كومپانياسىنىڭ بالىق وڭدەۋ زاۋىتىنىڭ قۇرىلىسى بويىنشا دا وسىنداي تاپسىرما بەردى.
سونىمەن قاتار «Severpark»، «كاپسترويگرۋپپ-ت» جانە «پرومپارك» شاعىن ونەركاسىپتىك پاركتەرىنىڭ جوبالارى تالقىلاندى. جۇمىستى جەدەلدەتۋ مەن زاماناۋي ساۋلەت تالاپتارىن ساقتاۋ قاجەتتىلىگىنە باسا نازار اۋدارىلدى.
اكىمنىڭ ورىنباسارى جەڭىل جانە تاماق ونەركاسىبىنىڭ كاسىپورىندارى جۇمىس ىستەپ جاتقان قولدانىستاعى شاعىن ءوندىرىس پاركتەرىن دە ارالاپ كوردى.
بۇل جوبالاردىڭ جۇزەگە اسۋى الماتىداعى ونەركاسىپ الەۋەتىن كۇشەيتىپ قانا قويماي، جاڭا جۇمىس ورىندارىن اشىپ، ينۆەستيسيالىق بەلسەندىلىكتى دە ارتتىرا تۇسپەك.