تالعاردا اۋە شارى ادامدى ۇشىرىپ اكەتتى

نۇسقاۋشى «سالداتساي» شاتقالىنان تابىلدى

وقىس وقيعا 1 قاڭتاردا تالعار اۋدانىنداعى «اقبۇلاق» تاۋ-شاڭعى كەشەنىندە بولعان، دەپ حابارلايدى Almaty-akshamy.kz.

الماتى وبلىسى تجد باسپا ءسوز قىزمەتىنىڭ مالىمەتىنشە، 2021 جىلعى 1 قاڭتار كۇنى ساعات 16:43-تە الماتى وبلىسى تجد پۋلتىنە تالعار اۋدانى «اقبۇلاق» تاۋ-شاڭعى كەشەنىندە قاتتى جەل مەن ساقتاندىرۋ ارقاندارىنىڭ ءۇزىلۋى سالدارىنان اۋە شارىمەن ۇشقان كەزدە اۋە شارىنداعى ادامدى تاۋ جاعىنا ۇشىرىپ كەتكەنى تۋرالى حابارلاما كەلىپ تۇسكەن.

«شاقىرتۋ ورنىنا تالعار ق. 2-موسب-نەن (7 قىزمەتكەر، 2 بىرلىك تەحنيكا) جانە رەسپۋبليكالىق جەدەل-قۇتقارۋ جاساعىنان (7 قىزمەتكەر، 1 بىرلىك تەحنيكا، 1 كينولوگيالىق ەسەپ) ق ر تجم بولىمشەلەرىنىڭ كۇشتەرى مەن قۇرالدارى دەرەۋ جۇمىلدىرىلدى. ۇشىپ كەتكەن شاردىڭ قورجىنىندا اۋە شارلارىندا ۇشۋ جونىندەگى نۇسقاۋشى بولىپ شىقتى»،- دەلىنگەن تجد حابارلاماسىندا.

ابىروي بولعاندا باسقارۋ جانە ءوزىن-وزى قۇتقارۋ داعدىلارىنىڭ ارقاسىندا ول شاردى  توبەگە وزدىگىنەن قوندىرا بىلگەن. 

«تالعار قالاسىنىڭ مامانداندىرىلعان ءورت ءسوندىرۋ ءبولىمىنىڭ قىزمەتكەرلەرى «سالداتساي» شاتقالىنان نۇسقاۋشىنى تاۋىپ، ونى ءقاۋىپسىز جەرگە جەتكىزدى. قازا بولعاندار مەن زارداپ شەككەندەر جوق»،-دەلىنگەن حابارلامادا.

الماتى وبلىسىنىڭ تجد ازاماتتاردان بارلىق قاۋىپسىزدىك ەرەجەلەرىن ساقتاۋدى سۇرايدى.