كۇدىكتىلەر انىقتالىپ، بىرەۋى ۋاقىتشا قاماۋ يزولياتورىنا قامالدى
شىعىس قازاقستان وبلىسىنداعى ءۇرجار اۋىلىنداعى مەيرامحانالاردىڭ بىرىندە ءوتىپ جاتقان تويعا قارۋلانعان ادامدار باسىپ كىرىپ، وق اتقان. وقيعا 1 قاڭتاردا بولدى. كەيىن مەيرامحانا ىشىندە تۇسىرىلگەن ۆيدەو الەۋمەتتىك جەلىدە تارالدى، دەپ حابارلايدى Almaty-akshamy.kz.Elorda.info-عا سىلتەمە جاساپ.
ۆيدەودان ەكى ادامنىڭ مەيرامحاناعا كىرىپ، وق اتقانىن كورۋگە بولادى. پوليسيادا شابۋىلدى دۇشپاندىق قارىم-قاتىناس نەگىزىندە جاسالعانىن مالىمدەدى.
«كۇدىكتىلەر انىقتالىپ، بىرەۋى ۋاقىتشا قاماۋ يزولياتورىنا قامالدى. ءۇرجار اۋدانى پوليسيا بولىمىندە قىلمىستىق كودەكستىڭ 293-بابى "بۇزاقىلىق" بويىنشا تەرگەۋ جۇمىستارى باستالدى. اتالمىش باپتا 7 جىلعا دەيىن باس بوستاندىعىنان ايىرۋ جازاسى قاراستىلىرعان»، - دەلىنگەن شقو پوليسيا دەپارتامەنتى حابارلاماسىندا.