باعدارلاماعا الماتىلىق كورەرمەننىڭ دە، ەۋروپا ەلدەرىندەگى اسا تالعامپاز كورەرمەننىڭ دە كوڭىلىنەن شىققان جاڭا قويىلىمدار ەندى.
ەلىمىزدىڭ اباي اتىنداعى ۇلتتىق وپەرا جانە بالەت تەاترى «Astana Opera» ساحناسىندا ەلوردالىق كورەرمەنگە گاسترولدىك سپەكتاكلدەرىن ۇسىنا وتىرىپ، ءوزىنىڭ 88ء-شى ماۋسىمىنىڭ شىمىلدىعىن ەرەكشە جاعدايدا، تىڭ باعدارلاماسىمەن اشتى، دەپ حابارلايدى Almaty-akshamy.kz.
ەلوردا تۇرعىندارى مەن قوناقتارى تاماشالاعان العاشقى سپەكتاكل يتالياندىق قويۋشى رەجيسسەر، سەنوگراف، كوستيۋمدەر بويىنشا ديزاينەر ماتتەو ءماسسونيدىڭ قويىلىمىنداعى گاەتانو دونيسەتتيدىڭ «دون پاسكۋالە» وپەراسى بولدى. وپەرا ترۋپپاسىنىڭ جەتەكشى سوليستەرى زارينا التىنبايەۆا، تاير ءتاجى، ەميل ساكاۆوۆ، ارتۋر گابدييەۆ جانە تولەگەن راحىمبايەۆ سيمفونيالىق وركەستردىڭ سۇيەمەلدەۋىمەن كورەرمەندەر زالىن يتالياندىق قۇشتارلىق سەزىمىنە بولەدى. دونيسەتتي وپەراسىنىڭ سيۋجەتىندە كومپوزيتوردىڭ ءوزى ونى «ءۇش اكتىلى دراما-بۋففا» دەپ اتادى. نورينا سۇلۋدان باسقا، قارت دون پاسكۋالە، ونىڭ جاس جيەنى ەرنەستو، ايلاكەر دوكتور مالاتەستا سىندى باستى كەيىپكەرلەردى كەزدەستىرەمىز. بۇل بۇكىل وقيعانىڭ قوزعاۋشى كۇشى. جاس ءارى سىمباتتى وپەرا ءسوليسى تاير ءتاجى رولگە قالاي ەنىپ، قارت دون پاسكۋالەنىڭ كەيىپىنە ەنگەنى اسا قىزىقتى. ەميل ساكاۆوۆتىڭ كەيىپكەرى — دوكتور مالاتەستا ساحناعا XX عاسىردىڭ 50ء-شى جىلدارىن جەتكىزۋ ءۇشىن نۇر-سۇلتان قالاسىنا ارنايى اكەلىنگەن VESPA موپەدىمەن شىعادى.
ف.شوپەننىڭ «شوپەنيانا»، ي.س.باحتىڭ «باح شىعارماشىلىعىن تانۋ»، م.راۆەلدىڭ «بولەرو» ءبىر اكتىلى ءۇش بالەتى تەاترى گاسترولىنىڭ لايىقتى جالعاسى بولىپ تابىلدى. بالەت ترۋپپاسىنىڭ جەتەكشى سوليستەرى جانەل تۇكەيەۆا، راحىم دايىروۆ، ايمان ەگىزبايەۆا، گۇلۆيرا قۇربانوۆا، ماليكا ەلشىبايەۆا، نارگيز ميرسەيدوۆا، رۇستەم يمانعالييەۆ، بايان بەكەتايەۆا، ازامات اسقاروۆ، نەلسون پەنيا جانە ارحات اشىربەك وزدەرىنىڭ بارلىق شەبەرلىكتەرىن مۋزىكادا دا، حورەوگرافيادا دا ءارتۇرلى ءۇش قويىلىمدا جوعارى دەڭگەيدە كورسەتە ءبىلدى.
فريدەريك شوپەننىڭ مۋزىكاسىنا قويىلعان «شوپەنيانا» — رومانتيكالىق بالەت كلاسسيكاسى. سيۋجەتسىز سپەكتاكل – بۇل ارمان مەن شىندىق اراسىنداعى ماڭگىلىك قاقتىعىستار مەن يدەالدىقتىڭ جەتىسپەۋشىلىگى بار رومانتيزم داۋىرىنە ەلىكتەپ جاسالىنعان جۇمىس. «شوپەنيانا» تەاتردىڭ باس بالەتمەيستەرى، ق ر حالىق ءارتىسى گۇلجان تۇتكىبايەۆانىڭ حورەوگرافياسىندا قويىلدى.
«باح شىعارماشىلىعىن تانۋ» نەوكلاسسيكالىق بالەتى – ءبيدىڭ ەرەكشە جانە كۇتپەگەن حورەوگرافيالىق ءتىلىن قامتيتىن ريەۆوليۋسيالىق قويىلىم. سونداي-اق، حورەوگراف ريكاردو امارانتەنىڭ قويىلىمىنداعى «بولەرو» ايەلزاتتىڭ ءمىنسىز سۇلۋلىعى مەن سەزىمتالدىعىن جىرلايدى. كلاسسيكالىق مودەرندى ساحنادا بولىپ جاتقان ءار كورىنىستەن بايقاۋعا بولادى – بيشىلەردىڭ قوزعالىسى، دەكوراسيا مەن جارىقتىڭ ءتۇسۋى كورەرمەننىڭ كوڭىل-كۇيىن وزگەرتەدى. مۋزىكا، ارينە، كورىنىستىڭ اسەرىن كۇشەيتەدى.
تاۋەلسىزدىك كۇنىنە وراي وتكەن اباي اتىنداعى قازۇوبت گاسترولدەرىنىڭ بارلىق قويىلىمى العاش رەت ەلوردا تۇرعىندارى مەن قوناقتارىنا ۇسىنىلدى. تالعامپاز كورەرمەندەر كوڭىلىنەن شىققاندىعى سونشالىق، سپەكتاكلدەردىڭ بارلىعى انشلاگپەن ءوتتى.