2025 جىلعى 26 قىركۇيەكتە تالدىقورعان قالاسىندا، ورتالىق نەكە سارايىندا «اۋىل» پارتياسىنىڭ الماتى قالاسى، الماتى وبلىسى جانە جەتىسۋ وبلىسى بويىنشا توپتاستىرىلعان وڭىرلىك سەمينارى ءوتتى. ءىس-شاراعا پارتيانىڭ ايماقتارداعى بەلسەندىلەرى، ءماسليحات دەپۋتاتتارى، باستاۋىش پارتيا ۇيىمدارىنىڭ وكىلدەرى مەن پارتيا مۇشەلەرى قاتىستى.
سەميناردىڭ اشىلۋىندا «اۋىل» پارتياسى ءتوراعاسىنىڭ ورىنباسارى قۋانىش قابىكەن ۇلى سەيتجانوۆ ءسوز سويلەپ، وڭىرلەردەگى پارتيا جۇمىستارىنىڭ بارىسىنا كەڭىنەن توقتالدى.
نەگىزگى ماقساتتار
سەميناردىڭ باستى ماقساتى – ەل دامۋىنىڭ ستراتەگيالىق باعىتتارىن تالقىلاۋ، اۋىلدىق جەرلەردىڭ الەۋمەتتىك-ەكونوميكالىق جاعدايىن جاقسارتۋ جولدارىن قاراستىرۋ، سونداي-اق پارتيا مۇشەلەرىنىڭ كاسىبي بىلىكتىلىگىن ارتتىرىپ، ءوزارا تاجىريبە الماسۋعا مۇمكىندىك بەرۋ بولدى.
پارتيانىڭ ۇستانىمى
«اۋىل» پارتياسى ءارقاشان قاراپايىم ەڭبەك ادامىنىڭ مۇددەسىن قورعاۋدى جانە اۋىلدىق ايماقتاردى وركەندەتۋدى نەگىزگى باعىتى رەتىندە ۇستانىپ كەلەدى. وسىعان وراي ۇيىمداستىرىلعان وڭىرلىك سەمينارلار پارتيا مۇشەلەرىنىڭ بىرلىگىن كۇشەيتۋگە، قوعامدىق كەلىسىمدى ساقتاۋعا جانە حالىق سەنىمىن ارتتىرۋعا قىزمەت ەتەدى.