«توماس، ليۋسي جانە الاتاۋ» مەن «ۇلى دالا ساياحاتشىلارى» اتتى كىتاپ جارىق كوردى
ەل تاۋەلسىزدىگىنىڭ 30 جىلدىعى اياسىندا تالدىقورعاندا قوس كىتاپتىڭ تۇساۋى كەسىلدى، دەپ حابارلايدى Almaty-akshamy.kz.
اۋدارما كىتاپتار «رۋحاني جاڭعىرۋ» مەملەكەتتىك باعدارلاماسىنىڭ «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى اياسىندا جارىق كورىپ، باسپادان 1000 دانامەن شىقتى.
كىتاپتاردىڭ تانىستىرىلىمىنا «توماس، ليۋسي جانە الاتاۋ» كىتابىنىڭ اۆتورى دجون ستيۋارت، «ۇلى دالا ساياحاتشىلارى» شىعارماسىنىڭ اۆتورى نيك فيل ونلاين فورماتتا قاتىسى.
«وسى كىتاپى ءتيىستى وقۋ ورىندارىنا جانە كىتاپحانالارعا بەرىپ، قازىردەن ءتۇسىنىپ وتىرمىز، وسى كىتاپتاردىڭ وقىرمانعا ۇلكەن قىزىعۋشىلىق ارتاتىنىن. ارى قاراي، ونى كوبەيتۋ ماسەلەسى قيىنعا اپارمايدى. جۇمىس ارى قاراي ءوزىنىڭ جاعاسىن تابادى»، -دەپ اتاپ ءوتتى الماتى وبلىستىق ىشكى ساياسات باسقارماسىنىڭ باسشىسى راحمەت ەسداۋلەتوۆ.
جالپى، وسىدان 2 جىل بۇرىن تالدىقورعاندا «توماس، ليۋسي جانە الاتاۋ» كىتابىنىڭ تۇساۋكەسەرى ءوتىپ، اۆتورى دجون ماسسي ستيۋارت جەتىسۋ جەرىنە ارنايى كەلگەن بولاتىن. ءدال سول ۋاقىتتا كىتاپتى قازاق جانە ورىس تىلدەرىنە اۋدارۋعا ۇسىنىس تاستالعان ەدى. ال، وتكەن جىلى جوبا قولعا الىنىپ، بۇگىن اۋدارما كىتاپ قازاق ءتىلدى وقىرمانعا جول تارتتى. كىتاپتا، اتكينسونداردىڭ ءسىبىر مەن قازاق دالاسىندا باسىنان كەشكەندەرى جايلى باياندالادى.
«بۇل كىتاپتىڭ وقىرمانعا بەرەرى كوپ. ويتكەنى، ەڭ الدىمەن جەتىسۋ وقىرمانىنا قىزىق بولادى. ويتكەنى، وقىپ وتىرعان كەزدە جەتىسۋلىقتار وزدەرىنە تانىس مەكەندەردىڭ اتاۋلارىن كەزدەستىرەدى. ءبىراق تەك جەتىسۋلىقتارمەن شەكتەلمەيمىز. ويتكەنى، بۇل كىتاپتىڭ دەرەككوز رەتىندە بۇكىل قازاق وقىرمانىنا ماڭىزى زور»،- دەيدى اۋدارماشى باقىتجان بۇقارباي.
ال، «ۇلى دالا ساياحاتشىلارى» كىتابىندا پاپا ەلشىلەرىنەن باستاپ، رەسەي ريەۆوليۋسياسىنا دەيىن جازىلعان. اۋدارما اۆتورى – الماس نۇرباقىتوۆ. الداعى ۋاقىتتا قوس كىتاپتىڭ تۇساۋكەسەرىن بىرىككەن كورولدىكتە دە وتكىزۋ جوسپاردا بار.