مۋزىكانت قىركۇيەكتە كوروناۆيرۋس جۇقتىرىپ، اۋىرىپ شىققانان كەيىن دەنساۋلىعى سىر بەرە باستاعان
ءانشى جانە كومپوزيتور، رەسەيدىڭ حالىق ءارتىسى الەكساندر گرادسكيي 72 جاسىندا قايتىس بولدى، - دەپ حابارلايدى Almaty-akshamy.kz Tengrinews.kz پورتالىنا سىلتەمە جاساپ.
27 قاراشادا گرادسكيي ينسۋلت كۇدىگىمەن اۋرۋحاناعا تۇسكەنى بەلگىلى بولدى. اقپارات بويىنشا، مۋزىكانت قىركۇيەكتە كوروناۆيرۋس جۇقتىرىپ، اۋىرىپ شىققانان كەيىن دەنساۋلىعى سىر بەرە باستاعان.
«26 قاراشادا، جۇمادا گرادسكيي جاقىندارىنان جۋىناتىن بولمەگە جەتۋگە كومەكتەسۋىن وتىنگەن. وسى ساتتە جاعدايى ناشارلاپ، مۋزىكانت تالىپ قالىپ، ءبىر ساعات ەسىن جيا الماعان»، - دەلىنگەن حابارلامادا.
الەكساندر گرادسكيي كەڭەستىك جانە رەسەيلىك ءانشى، مۋلتي-اسپاپشى، اقىن جانە كومپوزيتور. ول ورىس روك ءستيلىنىڭ نەگىزىن قالاۋشىلاردىڭ ءبىرى. سونىمەن قاتار، ءانشى بىرنەشە جىل «رەسەي داۋىسى» مۋزىكالىق شوۋىنا تالىمگەر رەتىندە قاتىسىپ جۇرگەن. 3 قاراشادا گرادسكيي 72 جاسقا تولدى.