1997-2021 جىلدار ارالىعىندا قولدانىسقا بەرىلىپ، يگەرىلمەگەن 110 جەر تەلىمى انىقتالدى
تالدىقورعاندا 2300 گەكتاردان اسا پايدالانىلماعان جەر انىقتالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
اەروعارىشتىق زەرتتەۋلەر ارقىلى 2306 گا پايدالانىلمايتىن جايىلىمدىق جەر انىقتالدى. مونيتورينگ ناتيجەسىندە وبلىس ورتالىعى اۋماعىندا 2306 جايىلىمدىق جەردىڭ 2009 گەكتارى قايتا پايدالانۋعا بەرىلدى. قالعان 296 گەكتار جەردىڭ ءۇش مەنشىك يەلەرىنە ءبىر اي مەرزىمدە زاڭ بۇزۋشىلىقتى جويۋ تۋرالى حابارلاما جولداندى.
«كوممەرسيالىق ماقساتتاعى پايدالانىلماعان جەرلەرگە كەلەتىن بولساق، قالانىڭ وڭتۇستىك-باتىس بولىگىندە 1997-2021 جىلدار ارالىعىندا قولدانىسقا بەرىلىپ، يگەرىلمەگەن 110 جەر تەلىمى انىقتالدى. انىقتالعان زاڭ بۇزۋشىلىقتارعا قاتىستى ءتيىستى شارا قابىلداۋ ءۇشىن اقپارات وبلىستىق جەر رەسۋرستارىن باسقارۋ دەپارتامەنتىنە جولداندى»، - دەدى تالدىقورعان قالاسىنىڭ اكىمى اسەت ماسابايەۆ.
بۇدان وزگە، كوممەرسيالىق ماقساتتاعى جەر ۋچاسكەلەرىن ءبولۋدىڭ اشىقتىعىن قامتاماسىز ەتۋ ماقساتىندا، 2022 جىلعى قاراشا ايىندا پيلوتتىق رەجيمدە ەكى جەر تەلىمىنە قاتىستى «گەوپورتال» دەرەكتەر بازاسىندا اۋكسيون وتكىزىلدى. بۇل ءراسىم اۋكسيون قاتىسۋشىلارى تاراپىنان وڭ باعاعا يە بولدى.