تالدىقورعان قالاسىنىڭ بۇرىنعى پوليسيا باستىعى مارات كۇشتىبايەۆتان زورلىق كورگەن جابىرلەنۋشى ءۇيقاماققا الىندى. ول الاياقتىق جاسادى دەگەن كۇدىككە ءىلىندى - تەرگەۋ ول كۇشتىبايەۆتىڭ ايەلىنىڭ اقشاسىن الاياقتىق جولمەن يەمدەنگەنىن ايتادى، ول ءوز كەزەگىندە جالعان كۋالىك بەرۋ ءۇشىن پارا الدى دەگەن كۇدىككە ءىلىندى، دەپ حابارلايدى aqshamnews.kz.
بۇل ءىس بويىنشا جابىرلەنۋشىنىڭ جىگىتى، بۇرىنعى پوليسيا قىزمەتكەرى (ءقازىر ۋاقىتشا ۇستاۋ يزولياتورىندا)، سونداي-اق تالدىقورعان قالالىق سوتىنىڭ حاتشىسى دا كۇدىكتىلەر قاتارىندا. سوڭعىسى اقشا بەرگەنىن مويىنداسا دا، الدىن الا ءسوز بايلاسۋ ارقىلى توپپەن جاسالعان الاياقتىقتى جوققا شىعارادى.
ەسكە سالا كەتەيىك، تالدىقورعان قالاسىنىڭ پوليسيا باستىعى مارات كۇشتىبايەۆتى زورلاۋ قىلمىسى ءۇشىن 11 جىلعا باس بوستاندىعىنان ايىرعان بولاتىن. داۋلى وقيعا وتكەن جىلدىڭ قاراشا ايىندا ورىن الدى. بۇرىنعى لاۋازىمدى پوليسەي قىزدى قىزمەتتىك كابينەتىندە زورلاعان. جابىرلەنۋشى 27 جاستاعى تالدىقورعان تۇرعىنى. ونى تىنىشتىقتى بۇزعانى ءۇشىن پوليسيا باسقارماسىنا الىپ كەلگەن. باستىق قىزدى كورىپ، ونى كابينەتىنە اكەلۋدى بۇيىرعان. سول جەردە ول قىزعا ينتيمدىك بايلانىس ۇسىنعان، ال باس تارتقان سوڭ ونى كۇشتەپ زورلاعان.
سوت ۇكىمىنەن كەيىن كۇشتىبايەۆتىڭ جۇبايى، تەرگەۋ مالىمەتى بويىنشا، جابىرلەنۋشىنى ساتىپ الۋعا تىرىسىپ، سوتتاعى كۋالىكتى وزگەرتۋ ءۇشىن 40 ميلليون تەڭگە ۇسىنعان. ادۆوكات پەن سوت حاتشىسى جابىرلەنۋشىگە قىسىم كورسەتىپ، زورلاۋدى مويىنداماي، تەك ءماجبۇرلى قاتىناس دەپ كورسەتۋىن سۇراعان. بۇل كۇشتىبايەۆقا جەڭىل جازا تاعايىنداۋعا سەبەپ بولار ەدى — ايىپپۇل نەمەسە جارتى جىلعا قاماۋ.
جابىرلەنۋشى ءوز مالىمدەمەسىن وزگەرتەتىنىن ايتىپ، قوماقتى اقشانى سوت ۇكىمىنەن ەكى اپتا بۇرىن العان. ءبىراق شەشۋشى كۇنى ول ءوز ءسوزىن وزگەرتكەن جوق. اقشانى قايتارامىن دەپ ۋادە ەتكەن سوڭ، جوعالىپ كەتكەن. سودان كەيىن كۇشتىبايەۆتىڭ تۋىستارى سوت حاتشىسىنان 40 ميلليون تەڭگەنى قايتارۋدى تالاپ ەتىپ، ارىز تۇسىرەمىز دەپ قورقىتقان. حاتشى اقشانى قايتارا الماعان سوڭ، ەكس-باستىقتىڭ جۇبايى پوليسياعا جۇگىندى. پوليسيا الاياقتىق فاكتىسى بويىنشا تەرگەۋ باستادى. بۇل رەتتە كۇشتىبايەۆتىڭ جۇبايى تەرگەۋگە كومەك كورسەتكەندىكتەن تەك كۋاگەر رەتىندە قاتىسىپ وتىر